നടി സുസ്മിത സെന്നുമായി താന്‍ പ്രണയത്തിലാണെന്ന് ലളിത് മോദി പ്രഖ്യാപിച്ചതിന് പിന്നാലെ നടിക്കെതിരെ വലിയ ട്രോളുകളാണ് ഉയര്‍ന്നത്. പണം മാത്രം നോക്കിയാണ് നടി ഡേറ്റ് ചെയ്യുന്നതെന്ന വിമര്‍ശനമാണ് പലരും ഉയര്‍ത്തിയത്. ഇപ്പോഴിതാ നടിക്കെതിരെ ഉയര്‍ന്ന അത്തരം വിമര്‍ശനങ്ങളോട് പ്രതികരിച്ചിരിക്കുകയാണ് നടിയുടെ മുന്‍കാമുകനും നിര്‍മ്മാതാവുമായ വിക്രം ഭട്ട്.
‘സുസ്മിത പണം തേടിയല്ല മറിച്ച് സ്‌നേഹം തേടി പോകുന്നയാളാണ്. മറ്റുള്ളവരുടെ ജീവിതത്തില്‍ തമാശ കണ്ടെത്തുക എന്നത് ചിലര്‍ക്ക് ഒരു വിനോദമാണ്. ചിലരുടെ വേദനകള്‍ മറ്റു ചിലര്‍ക്ക് വിനോദമാണ്. കരീന കപൂര്‍ സെയ്ഫ് അലി ഖാനെ വിവാഹം കഴിച്ചപ്പോള്‍ അവര്‍ക്ക് നേരെയും ട്രോളുകള്‍ ഉയര്‍ന്നിരുന്നു.
ഒരു സെലിബ്രിറ്റി ആണെങ്കില്‍, നിങ്ങളുടെ തീരുമാനങ്ങള്‍ ചിലര്‍ക്ക് തമാശയായി തോന്നുകയാണെങ്കില്‍, അവര്‍ ട്രോളാന്‍ തുടങ്ങുമെന്ന് ഞാന്‍ കരുതുന്നു’ വിക്രം ഭട്ട് പറഞ്ഞു. ‘ഗുലാം എന്ന സിനിമ ചെയ്യുമ്പോള്‍ എന്റെ കയ്യില്‍ പണമില്ലായിരുന്നു. എന്നെ ആദ്യമായി യുഎസിലേക്ക് കൊണ്ടുപോയത് സുസ്മിതയാണ്, അവര്‍ എന്റെ യാത്രയ്ക്ക് പണം നല്‍കിയത് ഞാന്‍ മറക്കില്ല.
ഞങ്ങള്‍ ലോസ് ഏഞ്ചല്‍സില്‍ എത്തിയപ്പോള്‍ ഒരു ലിമോസിന്‍ ഉണ്ടായിരുന്നു, ഞാന്‍ അത്ഭുതപ്പെട്ടു. യുഎസിലേക്കുള്ള എന്റെ വരവ് പ്രത്യേകതയുള്ളതാകണം എന്ന് ആഗ്രഹിക്കുന്നുവെന്ന് സുസ്മിത പറഞ്ഞു’ അദ്ദേഹം ഓര്‍ക്കുന്നു.