തമിഴ് സിനിമയില്‍ ഏറെ പ്രതീക്ഷകളോടെ കാത്തിരിക്കുന്ന ചിത്രങ്ങളിലൊന്നാണ് അജയ് ജ്ഞാനമുത്തു ഒരുക്കുന്ന വിക്രം ചിത്രം “കോബ്ര”. ആരാധകരുടെ കാത്തിരിപ്പിന് വിരാമമിട്ട് ചിത്രത്തിന്റെ ടീസര്‍ പുറത്ത്. ജീനിയസ് ആയ ഗണിത അധ്യാപകനായാണ് വിക്രം ചിത്രത്തില്‍ വേഷമിടുന്നത്. ഗണിതശാസ്ത്രം ഉപയോഗിച്ച് കുറ്റകൃത്യങ്ങള്‍ ചെയ്യുന്നതാണ് ചിത്രം എന്നാണ് ടീസര്‍ പറയുന്നത്.
വ്യത്യസ്ത ഗെറ്റപ്പുകളില്‍ താരം ടീസറില്‍ എത്തുന്നുണ്ട്. നേരത്തെ പുറത്തെത്തിയ ലുക്ക് പോസ്റ്റര്‍ “”എല്ലാ പ്രശ്‌നങ്ങള്‍ക്കും ഒരു മാത്തമാറ്റിക്കല്‍ പരിഹാരമുണ്ട്”” എന്ന ടാഗ് ലൈനോടെയാണ് എത്തിയത്. വിക്രത്തിന്റെ മുഖം ഒരു ഭാഗം നമ്പറുകള്‍ വരുന്ന രീതിയിലായിരുന്നു പോസ്റ്റര്‍. തുര്‍ക്കി ഇന്റര്‍പോള്‍ ഓഫീസറുടെ വേഷത്തിലാണ് മുന്‍ ക്രിക്കറ്റ് താരം ഇര്‍ഫാന്‍ പത്താന്‍ എത്തുന്നത്.
വളരെ സ്‌റ്റൈലിഷ് ആയ വില്ലനാണ് ഇര്‍ഫാന്‍ എന്ന് സംവിധായകന്‍ നേരത്തെ വ്യക്തമാക്കിയിരുന്നു. ഇര്‍ഫാന്‍ പത്താന്റെ അരങ്ങേറ്റ സിനിമ കൂടിയാണ് കോബ്ര. ശ്രീനിധി ഷെട്ടി ആണ് ചിത്രത്തില്‍ നായിക. കെ.എസ് രവികുമാര്‍, മിയ, റോഷന്‍ മാത്യു, മൃണാളിനി, കനിക, പദ്മപ്രിയ, ബാബു ആന്റണി എന്നിവരും കോബ്രയില്‍ വേഷമിടുന്നുണ്ട്.
7 സ്‌ക്രീന്‍ സ്റ്റുഡിയോസിന്റെ ബാനറില്‍ ലളിത് കുമാര്‍ നിര്‍മ്മിക്കുന്ന ചിത്രം തമിഴ്, തെലുങ്ക്, ഹിന്ദി ഭാഷകളിലാണ് പ്രദര്‍ശനത്തിനെത്തുക. എ.ആര്‍ റഹ്മാന്‍ ആണ് സംഗീതം. ഛായാഗ്രഹണം ഹരീഷ് കണ്ണന്‍. എഡിറ്റിംഗ് ഭുവന്‍ ശ്രീനിവാസന്‍.