സൗബിന്‍ ഷാഹിറും സുരാജ് വെഞ്ഞാറമൂടും കേന്ദ്ര കഥാപാത്രങ്ങളായെത്തുന്ന ചിത്രമാണ് “വികൃതി”. പുതുമുഖ താരം വിന്‍സി അലോഷ്യസാണ് നായികയായി എത്തുന്നത്. തിരക്കഥാകൃത്തുകളില്‍ ഒരാളായ വിജീഷാണ് തന്നെ വിളിച്ചതെന്നും ക്യാരക്ടര്‍ റോളുണ്ടെന്നുമാണ് തന്നോട് പറഞ്ഞിരുന്നതെന്നും താരം ഒരു അഭിമുഖത്തിനിടെ വ്യക്തമാക്കിയത്.
“”നായിക ആണെന്ന് ആദ്യം പറഞ്ഞിരുന്നില്ല, ഒരു ക്യാരക്ടര്‍ റോള്‍ ഉണ്ടെന്നാണ് പറഞ്ഞത്. ചിത്രത്തിലെ അഭിനേതാക്കള്‍ ആരെന്ന് ചോദിച്ചു. സൗബിനിക്ക എന്ന് കേട്ടപ്പോള്‍ എനിക്ക് കേട്ടപ്പോള്‍ അത്ഭുതമായിരുന്നു. കുറേ കഴിഞ്ഞാണ് നായികയാണെന്ന് അറിഞ്ഞത്.””
“”സൗബിനിക്ക അവതരിപ്പിക്കുന്ന സമീര്‍ എന്ന കഥാപാത്രത്തിന്റെ പെയറായിട്ടാണ് ഞാന്‍ വരുന്നത്, സീനത്ത് എന്നാണ് എന്റെ കഥാപാത്രത്തിന്റെ പേര്. കഥ നടക്കുന്നത് കൊച്ചിയിലാണെങ്കിലും വീട്ടില്‍ ഒതുങ്ങി കൂടുന്ന ടൈപ്പിലുള്ള ഒരു മുസ്ലീം പെണ്‍കുട്ടിയെ പ്രതിനിധീകരിക്കുന്ന കഥാപാത്രമാണ് സീനത്ത്. കാര്‍ഷിക ഭവനില്‍ വര്‍ക്ക് ചെയ്യുകയാണ് അവള്‍. പ്ലാന്റിംഗ് നഴ്‌സറിയിലെ ജോലിയും കുടുംബവുമാണ് സീനത്തിന്റെ ലോകം”” എന്നാണ് ചിത്രത്തിലെത്തിയതിനെ കുറിച്ച് വിന്‍സി പറയുന്നത്.
