ഒരു വര്‍ഷത്തെ ഇടവേളയ്ക്ക് ശേഷം വിനീത് ശ്രീനിവാസന്‍ വെള്ളിത്തിരയിലേക്ക് മടങ്ങിയെത്തുന്ന ചിത്രം മനോഹരത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. നടന്‍ മമ്മൂട്ടി തന്റെ ഒഫീഷ്യല്‍ ഫെയ്‌സ്ബുക്ക് പേജിലൂടെയാണ് ഫസ്റ്റ് ലുക്ക് റിലീസ് ചെയ്തത്. ഒരു സാധാരണ നാട്ടിന്‍പുറം സ്‌റ്റൈലില്‍ കൈലിയും ഷര്‍ട്ടും ധരിച്ചിരിക്കുന്ന വിനീതാണ് പോസ്റ്ററിലുള്ളത്.
കഴിഞ്ഞ വര്‍ഷം ഏപ്രിലില്‍ പുറത്തിറങ്ങിയ എം മോഹനന്‍ ചിത്രം അരവിന്ദന്റെ അതിഥികള്‍ക്ക് ശേഷം വിനീതിന്റേതായി റിലീസിംഗിന് ഒരുങ്ങുന്ന ചിത്രമാണ് മനോഹരം. 2014 ല്‍ പുറത്തിറങ്ങിയ ഓര്‍മ്മയുണ്ടോ ഈ മുഖം എന്ന വിനീത് ചിത്രം സംവിധാനം ചെയ്ത അന്‍വര്‍ സാദിക്കാണ് മനോഹരം സംവിധാനം ചെയ്യുക. ചക്കാലക്കല്‍ ഫിലിംസിന്റെ ബാനറില്‍ ജോസ് ചക്കാലക്കലാണ് നിര്‍മ്മാണം.
https://www.facebook.com/Mammootty/photos/a.10152286205072774/10157245643842774/?type=3&theater
Read more
ഇന്ദ്രന്‍സ്, ബേസില്‍ ജോസഫ്, ദീപക് പരംബോല്‍, ഹരീഷ് പേരടി, ജൂഡ് ആന്റണി ജോസഫ്, വി.കെ.പ്രകാശ്, ഡല്‍ഹി ഗണേഷ്, അഹമ്മദ് സിദ്ദിഖ്, നിസ്താര്‍ സെയ്ട്ട്, മഞ്ജു സുനില്‍, കലാരഞ്ജിനി, ശ്രീലക്ഷ്മി, വീണ നായര്‍, നന്ദിനി തുടങ്ങിയവരും ചിത്രത്തിലുണ്ട്. കൂടാതെ പുതുമുഖങ്ങളും ഉണ്ടാവും. ജെബിന്‍ ജേക്കബാണ് ചിത്രത്തിന് ഛായാഗ്രഹണം നിര്‍വ്വഹിക്കുന്നത്. സജീവ് തോമസിന്റേതാണ് സംഗീതം. നിതിന്‍ രാജാണ് എഡിറ്റിംഗ്.
