മലയാള സിനിമയില്‍ ഫെബ്രുവരി രണ്ടിന് നാളെ രണ്ട് താരവിവാഹം. നടന്‍ ബാലു വര്‍ഗീസിന്റെയും നടനും തിരക്കഥാകൃത്തുമായ വിഷ്ണു ഉണ്ണികൃഷ്ണന്റെയും വിവാഹമാണ് നാളെ നടക്കുക. നടിയും മോഡലുമായ എലീന കാതറിനാണ് ബാലു വര്‍ഗീസിന്റെ വധു. കോതമംഗലം സ്വദേശിയായ ഐശ്വര്യയെയാണ് വിഷ്ണു ഉണ്ണികൃഷ്ണന്‍ വിവാഹം ചെയ്യുന്നത്.
ബാലുവും എലീനയും ഏറെ നാളായി പ്രണയത്തിലായിരുന്നു. എലീനയുടെ പിറന്നാള്‍ ദിനത്തില്‍ ബന്ധുക്കളുടെയും സുഹൃത്തുക്കളുടെയും സാന്നിധ്യത്തില്‍ ബാലു എലീനയെ പ്രപ്പോസ് ചെയ്തിരുന്നു. ഇതിന്റെ സന്തോഷം പ്രകടിപ്പിച്ച് എലീന ഇന്‍സ്റ്റഗ്രാമില്‍ പങ്കുവച്ച പോസ്റ്റിലൂടെയാണ് ഇരുവരും തമ്മിലുള്ള പ്രണയം ആരാധകരറിഞ്ഞത്. ചേരാനല്ലൂര്‍ സെന്റ് ജെയിംസ് പള്ളിയിലാണ് ഇരുവരുടെയും വിവാഹം നടക്കുക. വൈകിട്ട് 6.30 മുതല്‍ വല്ലാര്‍പാടം ആല്‍ഫാ ഹൊറസൈനില്‍വച്ചാണ് വിവാഹ റിസപ്ഷന്‍.
https://www.instagram.com/p/B7wahzaHIO4/?utm_source=ig_web_copy_link
കോതമംഗലം കലാ ഓഡിറ്റോറിയത്തിലാണ് വിഷ്ണു ഉണ്ണികൃഷ്ണന്റെ വിവാഹം. തുടര്‍ന്ന് കലൂര്‍ റെന ഓഡിറ്റോറിയത്തില്‍ വൈകിട്ട് ആറ് മണി മുതലാണ് റിസപ്ഷന്‍. വീട്ടുകാര്‍ കൊണ്ടുവന്ന വിവാഹ ആലോചനയാണ് ഇതെന്നും പ്രണയ വിവാഹമല്ലെന്നും അടുത്തിടെ ഒരു അഭിമുഖത്തില്‍ വിഷ്ണു പറഞ്ഞിരുന്നു.
https://www.instagram.com/p/B59mInaFOLz/?utm_source=ig_web_copy_link