സുരേഷ് ഗോപി, ശോഭന, ദുല്‍ഖര്‍ സല്‍മാന്‍, കല്യാണി പ്രിയദര്‍ശന്‍, തുടങ്ങിയവരെ പ്രധാന കഥാപാത്രങ്ങളാക്കി അനൂപ് സത്യന് ഒരുക്കിയ വരനെ ആവശ്യമുണ്ടതിലെ പുതിയ ഡിലീറ്റഡ് സീന്‍ പുറത്തിറങ്ങി. നടി വഫ ഖതീജയാണ് വീഡിയോ പങ്കുവെച്ചിരിക്കുന്നത്. വഫയും ദുല്‍ഖറുമൊത്തുള്ള രസകരമായ രംഗമാണ് വീഡിയോയില്‍ കാണാനാകുക. ഡിലീറ്റഡ് രംഗത്തിന് ചില എഡിറ്റിങ് നടത്തിയ സംവിധായകന്‍ അനൂപ് സത്യന് നന്ദി പറഞ്ഞാണ് നടി വിഡിയോ പങ്കുവെച്ചിരിക്കുന്നത്.
അനൂപ് സത്യന്റെ ആദ്യ സംവിധാന സംരംഭമാണിത്. ദുല്‍ഖര്‍ സല്‍മാന്റെ പ്രൊഡക്ഷന്‍ കമ്പനിയായ വേഫെയ്റര്‍ ഫിലിംസും എം സ്റ്റാര്‍ ഫിലിംസും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. സുരേഷ് ഗോപിയും ശോഭനയും ഒരുപാട് നാളുകള്‍ക്ക് ശേഷം ഒന്നിച്ച് അഭിനയിക്കുന്നു എന്ന പ്രത്യേകതയും സിനിമയ്ക്കുണ്ട്. സിന്ദൂരരേഖ, മണിച്ചിത്രത്താഴ്, രജപുത്രന്‍, കമ്മീഷ്ണര്‍ അങ്ങനെ നിരവധി ചിത്രങ്ങളിലൂടെ പ്രേക്ഷക മനസില്‍ ഇടം നേടിയ ഈ ജോഡി പതിമൂന്ന് വര്‍ഷങ്ങള്‍ക്കു ശേഷമാണ് വീണ്ടുമൊരു ചിത്രത്തിന് വേണ്ടി ഒന്നിക്കുന്നത്.
https://www.instagram.com/p/B-tw3Y1p-vH/?utm_source=ig_web_copy_link
അനൂപ് തന്നെ തിരക്കഥയെഴുതുന്ന ഹ്യൂമറിന് പ്രാധാന്യം നല്‍കുന്ന ഒരു കുടുംബചിത്രമാണ്. ചെന്നൈയില്‍ നടക്കുന്ന കഥയാണ് ചിത്രം പറയുന്നത്.
