'മമ്മൂട്ടിയുടെ ആ സിനിമ കാണാൻ കാത്തിരിക്കുന്നു'; അദ്ദേഹത്തിന്റെ മികച്ച പ്രകടനം എന്നെ ആകര്‍ഷിച്ചിരുന്നു: അരവിന്ദ് സ്വാമി

കാർത്തിയും അരവിന്ദ് സ്വാമിയും പ്രധാന വേഷത്തിലെത്തിയ ചിത്രമാണ് മെയ്യഴകൻ. കഴിഞ്ഞ ദിവസം തിയേറ്ററുകളിലെത്തിയ ചിത്രം മികച്ച പ്രതികരണങ്ങളോടെ പ്രദർശനം തുടരുകയാണ്. അടുത്തിടെ ചിത്രത്തിന്റെ ഭാഗമായി നടന്ന ഒരു അഭിമുഖത്തിൽ അടുത്തിടെ മലയാള സിനിമകളോടുള്ള ആരാധന തമിഴ് സിനിമ താരം അരവിന്ദ് സ്വാമി പങ്കിട്ടിരുന്നു.

സിനിമകൾ ചെയ്യുന്നതിൽ മമ്മൂട്ടിയുടെ തിരഞ്ഞെടുപ്പുകളെ കുറിച്ച് അരവിന്ദ് സ്വാമി അഭിമുഖത്തില്‍ വാചാലനായതും പ്രശംസിച്ചതും ഏറെ ശ്രദ്ധ നേടിയിരുന്നു. മമ്മൂട്ടിയുള്ള ദളപതിയില്‍ ഒരു നിര്‍ണായക കഥാപാത്രമായി അരവിന്ദ് സ്വാമിയുമുണ്ടായിരുന്നു. അടുത്തിടെ മമ്മൂട്ടി ചിത്രങ്ങള്‍ അത്ഭുതപ്പെടുത്തിയെന്നാണ് അഭിമുഖത്തിൽ അരവിന്ദ് സ്വാമി പറയുന്നത്. മമ്മൂട്ടിയുടെ ഒരു സിനിമ കാണാൻ കാത്തിരിക്കുന്നതായും താരം പറയുന്നു.

രാഹുല്‍ സദാശിവൻ മമ്മൂട്ടിയെ നായകനാക്കി സംവിധാനം ചെയ്ത് ഹിറ്റായി മാറിയ ഭ്രമയുഗത്തെ കുറിച്ച് കേട്ടിട്ടുണ്ട്. അത് കാണാൻ ആകാംക്ഷയോടെ കാത്തിരിക്കുകയാണെന്നാണ് താരം പറയുന്നത്. താരത്തിന്റെ പ്രതികരണങ്ങൾ എല്ലാം തന്നെ ഇതിനോടകം തന്നെ മലയാളത്തിൽ ശ്രദ്ധ നേടിയിട്ടുമുണ്ട്.

അതേസമയം നൻപകല്‍ നേരത്തെ മയക്കം എന്ന സിനിമയിലെ പ്രകടനം തന്നെ ആകര്‍ഷിച്ചിരുന്നുവെന്നും അരവിന്ദ് സ്വാമി പറയുന്നു. കേരള സംസ്ഥാന അവാര്‍ഡില്‍ മികച്ച ചിത്രമായി തെരഞ്ഞെടുക്കപ്പെട്ടത് ‘നൻപകല്‍ നേരത്ത് മയക്ക’മാണ്. ചിത്രത്തിലെ പ്രകടനത്തിന് മികച്ച നടനുള്ള അവാര്‍ഡ് മമ്മൂട്ടിക്ക് ലഭിച്ചു. ലിജോ ജോസ് പെല്ലിശ്ശേരിയാണ് ചിത്രം സംവിധാനം ചെയ്‍തത്. നവീനമായ ഒരു ദൃശ്യഭാഷ ആയിരുന്നു ചിത്രത്തിന് ഉപയോഗിച്ചതെന്ന് ജൂറി സാക്ഷ്യപ്പെടുത്തിയതും ശ്രദ്ധയാകര്‍ഷിച്ചിരുന്നു.

Latest Stories

കൊല്ലത്ത് വിദ്യാര്‍ത്ഥിയെ വീട്ടില്‍ കയറി കുത്തിക്കൊലപ്പെടുത്തി; പ്രതിയുടേതെന്ന് സംശയിക്കുന്ന മൃതദേഹം റെയില്‍വേ ട്രാക്കില്‍

അരൂരില്‍ വിദ്യാര്‍ത്ഥി വീട്ടില്‍ നട്ടുവളര്‍ത്തിയത് കഞ്ചാവ് ചെടി; ജുവനൈല്‍ ജസ്റ്റിസ് നിയമപ്രകാരം കേസെടുത്ത് പൊലീസ്

മോദിയും ട്രംപും ജനങ്ങളുടെ താത്പര്യങ്ങള്‍ സംരക്ഷിക്കുന്നവര്‍; യുഎസ് ഇന്റലിജന്‍സ് ഡയറക്ടര്‍ക്ക് ഗംഗാജലം സമ്മാനിച്ച് മോദി

രാഷ്ട്രീയമുള്ള വ്യക്തിത്വങ്ങള്‍ തമ്മില്‍ കണ്ടാല്‍ രാഷ്ട്രീയം ഉരുകി പോകില്ല; കേന്ദ്ര ധനമന്ത്രിയുമായുള്ള കൂടിക്കാഴ്ചയ്ക്ക് മറുപടിയുമായി മുഖ്യമന്ത്രി

ഫിലിം ചേംബര്‍ പ്രഖ്യാപിച്ച സൂചന പണിമുടക്ക് ഉപേക്ഷിച്ചു; തീരുമാനം മന്ത്രിയുമായി നടത്തിയ ചര്‍ച്ചയ്ക്ക് പിന്നാലെ

കേരള പുരസ്‌ക്കാരങ്ങള്‍; കേരള ജ്യോതി പ്രൊഫ എംകെ സാനുവിന്

കരണ്‍ ഥാപറിന്റെ മുന്നിലെ 3 മിനിട്ടും ലെക്‌സ് ഫ്രിഡ്മാന് മുന്നിലെ 3 മണിക്കൂറും

പ്രസിദ്ധ ഗാനരചയിതാവ് മങ്കൊമ്പ് ഗോപാലകൃഷ്ണന്‍ അന്തരിച്ചു

കരണ്‍ ഥാപറിന്റെ മുന്നിലെ 3 മിനിട്ടും ലെക്‌സ് ഫ്രിഡ്മാന് മുന്നിലെ 3 മണിക്കൂറും; ദി അള്‍ട്ടിമേറ്റ് മോദി പോഡ്കാസ്റ്റ്

മലപ്പുറത്ത് ഭക്ഷണത്തില്‍ മയക്കുമരുന്ന് കലര്‍ത്തി നല്‍കി പീഡനം; പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചത് അഞ്ച് വര്‍ഷത്തോളം