ലോസ് ഏഞ്ചല്‍സിലെ ഹോളിവുഡിലെ ഡോള്‍ബി തിയേറ്ററില്‍ ഞായറാഴ്ച (മാര്‍ച്ച് 27) രാത്രി നടന്ന 94-ാമത് അക്കാദമി അവാര്‍ഡ് ദാന ചടങ്ങിനിടെ അവതാരന്റെ മുഖത്തടിച്ച് നടന്‍ വില്‍സ്മിത്ത്. അവതാരകന്‍ ക്രിസ് റോക്കിനെയാണ് തന്റെ ഭാര്യയെ പരിഹസിച്ചതിന്റെ പേരില്‍ പൊതുവേദിയില്‍ വെച്ച് മര്‍ദ്ദിച്ചത്. അലോപേഷ്യ എന്ന അസുഖം ബാധിച്ചതിനാല്‍ പിങ്ക്‌ലെറ്റ് സ്മിത്ത് അടുത്തിടെ തലയിലെ മുടി പൂര്‍ണ്ണമായി നീക്കിയിരുന്നു. ഇതിനെയാണ് അവതാരകന്‍ പരിഹസിച്ചത്.
‘ ഞാന്‍ നിങ്ങളെ സ്‌നേഹിക്കുന്നു. ജിഐ ജെയ്ന്‍ 2, നിങ്ങളെ കാണാന്‍ കാത്തിരിക്കാനാവില്ല, ”എന്നായിരുന്നു ക്രിസിന്റെ പരിഹാസം. ഇതു കേട്ടയുടന്‍ തന്നെ സ്മിത്ത് വേദിയിലെത്തി മുഖത്തടിക്കുകയായിരുന്നു. ‘Keep my wife’s name out your f***ing mouth എന്ന് സ്മിത്ത് ഉച്ചത്തില്‍ ആക്രോശിക്കുകയും ചെയ്തു. ഇതിനിടെ അത് വെറും തമാശയായിരുന്നുവെന്ന് അവതാരകന്‍ ഉറക്കെ പറയുന്നുണ്ടായിരുന്നു.
സംഭവത്തിന് ശേഷം സ്മിത്തിനെ ആശ്വസിപ്പിക്കാന്‍ ഡെന്‍സല്‍ വാഷിംഗ്ടണ്‍, ബ്രാഡ്ലി കൂപ്പര്‍, ടൈലര്‍ പെറി എന്നിവരും ഓടിയെത്തി.
