ഡോ. സുവിദ് വില്‍സണ്‍ സംവിധാനവും നിര്‍മ്മാണവും നിര്‍വ്വഹിച്ച ‘കുട്ടി ദൈവം’ റിലീസായി. ക്യാമറ നായികയായി വരുന്ന ലോകത്തിലെ ആദ്യത്തെ റിയലിസ്റ്റിക് ഷോര്‍ട്ട് ഫിലിം എന്ന ലോക റെക്കോര്‍ഡിന്റെ നിറവില്‍ നില്‍ക്കെയാണ് ഇപ്പോള്‍ ചിത്രം പ്രേക്ഷകരിലേക്ക് എത്തിയിരിക്കുന്നത്.
ഉണ്ണിമുകുന്ദന്‍, വിജയ്‌സേതുപതി, ബാദുഷ എന്‍ എം എന്നീ മലയാളത്തിനകത്തും പുറത്തുമുള്ള പ്രമുഖരുടെ ഔദ്യോഗിക ഫെയ്‌സ്ബുക് പേജികളിലൂടെയാണ് ചിത്രം പുറത്ത് വിട്ടത്. ഓരോ സീനുകളും ഒറ്റ ഷോട്ടില്‍ ചിത്രീകരിക്കുകയും കേന്ദ്ര കഥാപാത്രത്തെ സിനിമയ്ക്ക് പുറത്ത് കാണിക്കുന്നില്ല എന്നതാണ് ഈ ഷോര്‍ട്ട് മൂവിയുടെ പ്രത്യേകത.
പ്രജോദ് കലാഭവന്‍, പ്രശാന്ത് അലക്‌സാണ്ടര്‍, നസീര്‍ സംക്രാന്തി, പാലാ അരവിന്ദന്‍, കണ്ണന്‍ സാഗര്‍, ഷഫീഖ് റഹ്‌മാന്‍, കിടു ആഷിക്, സുദീപ് കാരക്കാട്ട്, സജി കൃഷ്ണ, അജീഷ് ജോസ്, അഷ്‌റഫ് ഗുക്കുകള്‍, മാസ്റ്റര്‍ കാശിനാഥന്‍ തുടങ്ങിയ മോളിവുഡിലെ പ്രശസ്ത അഭിനേതാക്കള്‍ ഈ സിനിമയിലെ മറ്റ് അഭിനേതാക്കളില്‍ ഉള്‍പ്പെടുന്നു. പ്രശസ്ത മാധ്യമ പ്രവര്‍ത്തകന്‍ സജീവ് ഇളമ്പല്‍ തിരക്കഥ രചിച്ച ചിത്രത്തിന്റെ കഥ സംവിധായകന്റെത് തന്നെയാണ്.
ഛായാഗ്രഹണം സനല്‍ ലസ്റ്റര്‍ നിര്‍വ്വഹിച്ചിരിക്കുന്നു. എഡിറ്റര്‍-നിഹാസ് നിസാര്‍, ആര്‍ട്ട്-ഓമനക്കുട്ടന്‍, മേക്കപ്പ് നിഷ ബാലന്‍, കോസ്റ്റ്യൂം-രേഷ് കുമാര്‍, പ്രൊഡക്ഷന്‍ കണ്‍ട്രോളര്‍-ജോമോന്‍ ജോയ്, അസിസ്റ്റന്റ് ഡയറക്ടര്‍-റോബിന്‍ മാത്യു, അസിസ്റ്റന്റ് ക്യാമറാമാന്‍-വിവേക് എംഡി, പി.ആര്‍.ഒ-സുനിത സുനില്‍പി ശിവപ്രസാദ്, സ്റ്റില്‍സ്-അരുണ്‍ ടിപി, ഡബ്ബിംഗ് (നായിക) -കൃപ പ്രകാശ്.