ലിയോയുടെ വമ്പൻ വിജയത്തിന് ശേഷം വിജയ് നായകനായെത്തുന്ന ഏറ്റവും പുതിയ ചിത്രം സംവിധാനം ചെയ്യുന്നത് വെങ്കട് പ്രഭുവാണ്. സയൻസ് ഫിക്ഷൻ ഴോണറിലാണ് ചിത്രമൊരുങ്ങുന്നത്.
പ്രശാന്ത്, പ്രഭു ദേവ, സ്നേഹ, ലൈല, ജയറാം, മീനാക്ഷി ചൗധരി, മോഹൻ, അജ്മൽ അമീർ, യോഗി ബാബു, വിടിവി ഗണേഷ്, തുടങ്ങി വൻതാരനിരയാണ് ചിത്രത്തിൽ അണിനിരക്കുന്നത്.
ഇപ്പോഴിതാ ചിത്രത്തിൽ അവസരം തന്നതിന് വിജയ്ക്ക് നന്ദി പറഞ്ഞിരിക്കുകയാണ് നടൻ യോഗി ബാബു. തമിഴ് സിനിമകളിൽ കോമഡി കഥാപാത്രമായി തിളങ്ങി നിൽക്കുന്ന താരമാണ് യോഗി ബാബു.
“ഒരുപാട് നന്ദി വിജയ് അണ്ണാ, ഇങ്ങനെ ഒരു അവസരം തന്നതിന് വെങ്കട് പ്രഭു സാറിനും നന്ദി” എന്നാണ് യോഗി ബാബു എക്സിൽ കുറിച്ചത്. കൂടാതെ സിനിമയുടെ നിർമ്മാതാക്കൾക്കും യോഗി ബാബു നന്ദി പറയുന്നുണ്ട്.
Romba nandri🫂 @actorvijay na
Congratulations 🤝and
thank you so much for the opportunity 🫂@vp_offl sir ☺️#Thalapathy68 #VP12 hits 🔥🔥
Thanks for the opprtunity@Ags_production #KalpathiSAghoram sir #KalpathiSGanesh sir #KalpathiSSuresh sir @archanakalpathi mam pic.twitter.com/3AF31pLcHn— Yogi Babu (@iYogiBabu) October 25, 2023
വേലായുധം, മെര്‍സല്‍, സര്‍ക്കാര്‍, ബിഗില്‍, ബീസ്റ്റ്, വാരിസ് തുടങ്ങീ നിരവധി സിനിമകളിൽ വിജയ്- യോഗി ബാബു കൂട്ടുകേട്ട് ഉണ്ടായിട്ടുണ്ട്.യുവൻ ശങ്കർ രാജയാണ് ചിത്രത്തിന് സംഗീതമൊരുക്കുന്നത്. സയൻസ് ഫിക്ഷൻ ഴോണറിലാണ് ചിത്രം ഒരുങ്ങുന്നത്. എ. ജി. എസ് എന്റർടൈൻമെന്റാണ് ദളപതി 68 നിർമ്മിക്കുന്നത്.
Read more
നേരത്തെ വിര്‍ച്വൽ പ്രൊഡക്‌ഷന്റെ ഭാഗയമായുള്ള സെറ്റ് വർക്കുകളുടെ ചിത്രങ്ങള്‍ വെങ്കട് പ്രഭു പങ്കുവെച്ചതും ഇതിനുവേണ്ടി വിജയ്‌യും സംവിധായകനും അമേരിക്ക സന്ദർശിച്ചതും വാർത്തകളിലിടം നേടിയിരുന്നു
