മമ്മൂട്ടിയുടെ എഴുപത്തിരണ്ടാം പിറന്നാൾ ആഘോഷങ്ങൾ ഇന്നും കഴിഞ്ഞിട്ടില്ല. ജന്മദിനാഘോഷത്തിന്റെ ഭാഗമായി ഫാൻസ് അസോസിയേഷനുകളുടെ നേതൃത്വത്തിൽ നിരവധി പരിപാടികളും മറ്റുമാണ് കഴിഞ്ഞ ദിവസം നടന്നത്. താരത്തിന്റെ ആസ്തി അടക്കം ആരാധകർ അറിയാൻ ആഗ്രഹിക്കുന്ന രസകരമായ കാര്യങ്ങൾ അറിയാം..
ലക്ഷകണക്കിന് ആരാധകർ മാത്രമല്ല മമ്മൂട്ടിയ്ക്ക് ഉള്ളത്. മമ്മൂട്ടിയുടെ വളര്‍ച്ച ഘട്ടംഘട്ടമായിട്ടായിരുന്നു എന്ന് അദ്ദേഹത്തിന്റെ ഗ്രാഫ് നോക്കുമ്പോൾ തന്നെ മനസിലാവും. 2020ല്‍ 265 കോടിയായിരുന്നു മമ്മൂട്ടിയുടെ ആസ്തി. 21ല്‍ അത് 280 ആവുകയും 2021ലെ caknowledge.com കണക്കുകള്‍ പ്രകാരം 310 കോടിയുടെ ആസ്തിയും മമ്മൂട്ടിയ്ക്ക് ഉണ്ടായിരുന്നു.
ഏറ്റവും പുതിയ കണക്കുകള്‍ പ്രകാരം 340 കോടിയാണ് മമ്മൂട്ടിയുടെ ആസ്തി. ബ്രാൻഡ് എൻഡോഴ്സ്മെന്റിനായി 4 കോടിയും ഒരു സിനിമയില്‍ അഭിനയിക്കാന്‍ മമ്മൂട്ടി പത്ത് കോടി രൂപയാണ് വാങ്ങുന്നത് എന്നാണ് റിപ്പോർട്ടുകൾ പറയുന്നത്. മാസ വരുമാനം മൂന്ന് കോടിയാണെന്നും12 കോടി ഇന്‍കം ടാക്‌സ് അടയ്ക്കുന്നുണ്ടെന്നുമാണ് റിപ്പോർട്ട്.
പുതിയ മോഡൽ കാറുകൾ സ്വന്തമാക്കാൻ ശ്രമിക്കുന്നയാളാണ് മമ്മൂട്ടി എന്നാണ് അദ്ദേഹത്തിന്റെ സുഹൃത്തുക്കൾ പറയുന്നത്. എന്നാൽ കാറുകൾ വാങ്ങി കൂട്ടുകയല്ല, പകരം കൈയ്യിലുള്ള കാറുകൾ കൊടുത്ത് പുതിയത് വാങ്ങാറുണ്ടെന്നും താൻ ആദ്യം സ്വന്തമാക്കിയ കാറൊന്നും കൈയ്യിൽ ഇല്ലെന്നും മമ്മൂട്ടി പറഞ്ഞിരുന്നു.
മിനി കൂപ്പർ, ബിഎംഡബ്ല്യു ഇ46 എം3, മിറ്റ്സുബുഷി പജീറോ സ്പോർട്, ടൊയോട്ട ഫോർച്യൂണർ, ജാഗ്വാർ എക്സ് ജെ,ടൊയോട്ട ലാന്റ് ക്രൂയിസർ, ഓഡി എ7, ബെൻസ് കാരവാനിൽ നിന്നുള്ള വാനിറ്റി വാൻ എന്നിങ്ങനെ പോകുന്നു അദ്ദേഹത്തിന്റെ കാറുകളുടെ ശേഖരം.