തന്റെ പുതിയ പ്രണയം ഔദ്യോഗികമാക്കി ഹോളിവുഡ് സൂപ്പര്‍താരം ടോം ക്രൂയിസ്. 61കാരനായ ടോം ക്രൂസിന്റെ കാമുകി 36കാരിയായ റഷ്യന്‍ സുന്ദരി എല്‍സീന ഖൈറോവ ആണ്. കഴിഞ്ഞ വര്‍ഷം ഡിസംബറിലാണ് ഇരുവരും ആദ്യമായി ഒന്നിച്ച് പ്രത്യക്ഷപ്പെടുന്നത്.
കഴിഞ്ഞ കുറെ ആഴ്ച്ചകളായി അവര്‍ ഇരുവരും ഒരുമിച്ചാണ് താമസമെന്നും സ്വകാര്യത താല്‍പര്യപ്പെടുന്നതിനാല്‍ പൊതുവിടങ്ങളില്‍ വച്ച് അവരുടെ ചിത്രങ്ങള്‍ എടുക്കുന്നത് അവര്‍ പ്രോല്‍സാഹിപ്പിക്കുന്നില്ലെന്നും ബ്രിട്ടീഷ് മാധ്യമങ്ങള്‍ റിപ്പോര്‍ട്ട് ചെയ്തു.
എല്‍സീനയുടെ അപ്പാര്‍ട്ട്‌മെന്റില്‍ ടോം ക്രൂയിസ് താമസിക്കാറുണ്ടെന്നും റിപ്പോര്‍ട്ടുകളുണ്ട്. ചാരിറ്റി പ്രവര്‍ത്തനങ്ങളില്‍ പങ്കെടുക്കാറുള്ള ഇരുവരും ലണ്ടനിലെ എയര്‍ ആംബുലന്‍സിനെ സഹായിക്കാന്‍ ചേര്‍ന്ന ചാരിറ്റി ഡിന്നറില്‍ വില്ല്യം രാജകുമാരന്റെ അതിഥികളായി എത്തിയിരുന്നു.
ഈ പരിപാടിയില്‍ ഇവര്‍ ഒന്നിച്ച് നൃത്തം ചെയ്തിരുന്നു. പരിപാടിയില്‍ ഇവര്‍ മുഴുവന്‍ സമയവും ഒന്നിച്ചായിരുന്നു. ടോം ക്രൂയിസ് ഇതുവരെ മൂന്ന് വിവാഹങ്ങള്‍ ചെയ്തിട്ടുണ്ട്. മിമി റോജേഴ്‌സ്, നിക്കോള്‍ കിഡ്മാന്‍, കാറ്റി ഹോംസ് എന്നിവരാണ് ടോം ക്രൂസിന്റെ മുന്‍ ഭാര്യമാര്‍.