മലയാള സിനിമാ പ്രേക്ഷകരുടെ ഇഷ്ട താരജോഡികളാണ് ജയറാമും പാർവതിയും. ഇവരുടെ മകൻ കാളിദാസനും, മകൾ ചക്കി എന്ന മാളവികയും പ്രേക്ഷകർക്ക് ഏറെ പ്രിയപ്പെട്ടവരാണ്. പ്രമുഖ നടൻ കൂടിയായ കാളിദാസന്റെ വിശേ‌ഷങ്ങൾ ആരാധകർക്ക് ഏറെ സന്തോഷത്തോടെയാണ് ഏറ്റെടുക്കാറുള്ളത്. താരത്തിന്റെ പ്രണയവും ഏറെ ചർച്ചയായിരുന്നു.
തരിണി കലിംഗയാണ് താരത്തിന്റെ കാമുകി. ഇപ്പോഴിതാ തന്റെ പ്രണയത്തെ കുറിച്ചും അനുജത്തി മാളവികയെ കുറിച്ചും കാളിദാസ് പറഞ്ഞ കാര്യങ്ങളാണ് ഇപ്പോൾ ചർച്ചയാകുന്നത്. പ്രണയം പറഞ്ഞപ്പോൾ ഒരുപാട് പേർ ആശംസകൾ അറിയിച്ചുവെന്ന് കാളിദാസ് പറയുന്നു. ചിലർ കരയുന്ന സ്മൈലി ഒക്കെയാണ് മെസേജ് ചെയ്തത്. എനിക്ക് വേണ്ടി കരയാൻ ഇത്രയും പേരുണ്ടായിരുന്നോ എന്നാണ് ആ അവസരത്തിൽ ചിന്തിച്ചതെന്നും കാളിദാസ് പറഞ്ഞു.
മാളവിക സിനിമയിലേക്ക് വരുമെന്ന് തോന്നുന്നില്ല. വെറുതെ സിനിമയിലേക്ക് ആരും വരാൻ സാധിക്കില്ലെന്നും ആർട്ടിസ്റ്റ് ആകണമെങ്കിൽ അതിന്റേതായ എഫേർട്ട് എടുക്കണം. വെറും കളിയല്ല സിനിമ. ചക്കിക്ക് സിനിമയോട് ഡെഡിക്കേഷനും പാഷനും ഉണ്ടെങ്കിൽ അവൾ തീർച്ചയായും വരും എന്നും കാളിദാസ് പറഞ്ഞു.
ഗജിനി എന്ന തന്റെ പുതിയ ചിത്രത്തിന്റെ പ്രൊമോഷനിടെ യുട്യൂബ് ചാനലുകളോട് ആയിരുന്നു നടന്റെ പ്രതികരണം.ഗജിനി സിനിമ റിലീസ് ചെയ്ത ശേഷം വിവാഹം കാണാൻ ചാൻസ് ഉണ്ടെന്നും കാളിദാസ് പറയുന്നുണ്ട്. കാളിദാസിന് പിന്നാലെ തന്റെ കാമുകനെ പരിചയപ്പെടുത്തി മാളവികയും രംഗത്ത് എത്തിയിരുന്നു. .
