3.5/5
ഒരുകൂട്ടം യുവാക്കളുടെ ചിത്രമാണ് ലാല്ജോസ്. ഏറെ കൊട്ടിഘോഷിക്കാതെ തിയേറ്ററിലെത്തിയ ചിത്രത്തിന് മുകച്ച പ്രേക്ഷക പ്രതികരണമാണ് ലഭിക്കുന്നത്. ഗ്രാമീണ പശ്ചാത്തലത്തിലൊരുക്കിയ ചിത്രം സിനിമാ മോഹവുമായി നടക്കുന്ന യുവാവിന്റെ ജീവിതമാണ് പ്രമേയമാക്കുന്നത്. പുതുമുഖങ്ങളായ മുഹമ്മദ്ശാരിഖ്, ആന്‍ ആന്‍ഡ്രിയ എന്നിവരാണ് ച്ത്രത്തില്‍ നായികാ നായികന്മാരായെത്തുന്നത്.
സംവിധായകന്‍ ലാല്‍ ജോസിനെപോലെയാകണമെന്ന് സ്വപ്‌നം കണ്ടു നടക്കുന്ന യുവാവിന്റെ ജീവിതചത്തിലുണ്ടാകുന്ന ആകസ്മിക സംഭവങ്ങളും അതിജീവനവുമാണ് ചിത്രം പറയുന്നത്. സിനിമാ മോഹവുമായി നടക്കുന്ന ഓരോരുത്തരുടെയും ജീവിതത്തിന്റെ ഏടുകളാണ് ചിത്രം പങ്കുവെക്കുന്നത്.
സിനിമാ മോഹിയുടെ കഥ നിരവധി മലയാളചിത്രങ്ങളില്‍ പ്രതിപാദിക്കുന്നുണ്ടെങ്കിലും തികച്ചും പുതുമയോടെയാണ് നവാഗതനായ കബീര്‍ പുഴമ്പ്രം കഥയും തിരക്കഥയുമൊരുക്കി സംവിധാനം ചെയ്യുന്ന ലാല്ജോസ് ഒരുക്കിയിരിക്കുന്നത്. പുതുമുഖങ്ങളായ അന്ന ആന്‍ഡ്രിയ, ജെന്‍സന്‍, ടോണി, മജീദ് തുടങ്ങിയവര്‍ക്കൊപ്പം ഭഗത് മാനുവല്‍, ശശി കലിംഗ, റിസോഭാവ, ദേവി അജിത്, രാജേഷ് ശര്‍മ്മ തുടങ്ങിയ താരങ്ങളും നല്ല പ്രകടനമാണ് കാഴ്ചവെക്കുന്നത്. അന്തരിച്ച ശശി കലിംഗയുടെ അവസാന ചിത്രംകൂടിയാണ് ലാല്ജോസ്.
പന്ത്രണ്ടുവര്‍ഷത്തെ കാത്തിരിപ്പിനൊടുവിലാണ് ചിത്രം തിയേറ്ററുകളിലെത്തുന്നതെന്ന പ്രത്യേകതയും സംവിധായകനുണ്ട്. കൊവിഡ് പ്രതിസന്ധികള്‍ക്കിടയില്‍ തന്റെ ജീവിതവും വാശിയും എല്ലാം ചേര്‍ന്ന ചിത്രം തന്നെയാണ് ലാല്ജോസ്. 666 പ്രൊഡക്ഷന്റെ ബാനറില്‍ ഹസീബ് മേപ്പാട്ടാണ് ചിത്രം നിര്‍മ്മിക്കുന്നത്.
ഗ്രാമീണ കാഴ്ചകള്‍ തന്മയത്തത്തോടെയാണ് ആര്‍ ധനേഷ് ക്യാമറയില്‍ ഒപ്പിയത്. ഗോപീ സുന്ദറിന്റെ പശ്ചാത്തല സംഗീതം എടുത്തു പറയേണ്ടതാണ്. ബിനീഷ് മണിയുടെ സംഗീതം ചിത്രത്തെ മികവുറ്റതാക്കുന്നു. സിദ് ശ്രീറാം വീണ്ടും മലയാളത്തില്‍ പാടിയ ചിത്രം കൂടിയാണ് ലാല്ജോസ്. അശ്ലീലതയുടെ ഓരംചേരാതെ കുടുംബപ്രേക്ഷകര്‍ക്ക് ആസ്വദിക്കാന്‍ പറ്റുന്ന മികച്ച ചിത്രമാണ് ലാല്ജോസ്