തനിക്കെതിരെ ഉയരുന്ന വിമര്‍ശനങ്ങളോട് പ്രതികരിച്ച് സംഗീത സംവിധായകന്‍ ഗോപി സുന്ദര്‍. ‘ഇത് എന്റെ ജീവിതമാണ്’ എന്ന് കുറിച്ച് പങ്കുവെച്ച ചിത്രത്തോടൊപ്പം ഹാങ്ക് വില്ല്യംസിന്റെ ‘വൈ ഡോണ്ട് യൂ മൈന്‍ഡ് യുവര്‍ ഓണ്‍ ബിസിനസ്’ എന്ന പാട്ടും ചേര്‍ത്തിട്ടുണ്ട്.
അമൃത സുരേഷുമായി വേര്‍പിരിഞ്ഞ ഗോപി സുന്ദര്‍ പുതിയ പ്രണയത്തിലാണെന്ന ചര്‍ച്ചള്‍ സോഷ്യല്‍ മീഡിയയില്‍ പ്രചരിക്കുമ്പോഴാണ് ഗോപി സുന്ദറിന്റെ പ്രതികരണം. അമൃതയും ഗോപി സുന്ദറും ഇന്‍സ്റ്റഗ്രാമില്‍ അണ്‍ഫോളോ ചെയ്തിരുന്നു. ഇതോടെയാണ് ഇരുവരും പിരിയുകയാണെന്ന വാര്‍ത്തകള്‍ എത്തിയത്.
ഇടക്കാലത്ത് അമൃതയുടെ സോഷ്യല്‍ മീഡിയ പേജുകളില്‍ നിന്ന് ഇരുവരും ഒന്നിച്ചുളള ചില ചിത്രങ്ങള്‍ അപ്രത്യക്ഷമായതാണ് വേര്‍പിരിയല്‍ ചര്‍ച്ചകള്‍ക്ക് തുടക്കമിട്ടത്. എന്നാല്‍ കഴിഞ്ഞ മാസം ഒന്നിച്ചുളള ചിത്രം വീണ്ടും പങ്കുവെച്ച് ഗോപി ഈ ചര്‍ച്ചകള്‍ അവസാനിപ്പിച്ചിരുന്നു.
ഗോപി സുന്ദര്‍ സോഷ്യല്‍ മീഡിയയില്‍ പങ്കുവെയ്ക്കുന്ന ഓരോ പോസ്റ്റുകള്‍ക്കും താഴെ രൂക്ഷ വിമര്‍ശനമാണ് താരത്തിന് നേരിടേണ്ടി വരുന്നത്. ഇതിന് പിന്നാലെയാണ് ഇത് തന്റെ ജീവിതമാണെന്നും എല്ലാവരും സ്വന്തം കാര്യം നോക്കൂ എന്നും ഗോപി സുന്ദര്‍ പ്രതികരിച്ചത്.