മുന്‍ഭര്‍ത്താവും നടനുമായ ബാലയുടെ ആരോപണങ്ങളോട് പ്രതികരിച്ച ഗായിക അമൃത സുരേഷിനെ പിന്തുണച്ച് രംഗത്തെത്തി ഗോപി സുന്ദര്‍. അമൃതയെ കാണാന്‍ പാടില്ലാത്ത സാഹചര്യത്തില്‍ കണ്ടു, തനിക്കെതിരെ പോക്‌സോ കേസ് നല്‍കി തുടങ്ങി നിരവധി ആഗോരപണങ്ങള്‍ ബാല ഉന്നയിച്ചിരുന്നു.
തന്റെ അഭിഭാഷകര്‍ക്കൊപ്പം എത്തിയാണ് ഇതിനോട് അമൃത പ്രതികരിച്ചത്. അഭിഭാഷകര്‍ക്കൊപ്പം പ്രതികരിക്കുന്ന അമൃതയുടെ വീഡിയോ പങ്കുവച്ചു കൊണ്ടാണ് ഗോപി സുന്ദറിന്റെ പോസ്റ്റ്. ‘അഭിമാനകരമായ നിമിഷം. ഹാപ്പി ട്രൂ ന്യൂ ഇയര്‍’ എന്ന ക്യാപ്ഷനോടെയാണ് ഗോപി സുന്ദര്‍ വീഡിയോ പോസ്റ്റ് ചെയ്തത്.
ഈ പോസ്റ്റിന് അമൃത സുരേഷ് ലൈക്ക് അടിച്ചിട്ടുമുണ്ട്. ഗോപി സുന്ദറിന്റെ മിക്ക പോസ്റ്റുകള്‍ക്കും നേരെ കനത്ത രീതിയില്‍ സൈബര്‍ ആക്രമണങ്ങള്‍ ഉണ്ടാവാറുണ്ട്. അതിനാല്‍ ഇത്തവണ കമന്റ്‌റ് ബോക്‌സ് ഓഫ് ചെയ്ത ശേഷമാണ് ഗോപി സുന്ദര്‍ പോസ്റ്റ് ഇട്ടിരിക്കുന്നത്.
അതേസമയം, അമൃത സുരേഷും സംഗീത സംവിധായകന്‍ ഗോപി സുന്ദറും തമ്മിലെ പ്രണയവും പിന്നീടുണ്ടായ അകല്‍ച്ചയും എല്ലാം വാര്‍ത്തകളിലും സോഷ്യല്‍ മീഡിയയിലും സജീവ ചര്‍ച്ചയായിരുന്നു. മാസങ്ങളായി ഇരുവരും ഒരുമിച്ചുള്ള ചിത്രങ്ങളോ വീ ഡിയോയോ ഒന്നും ഇട്ടിരുന്നില്ല.
തന്റെ മറ്റൊരു പെണ്‍സുഹൃത്തിനൊപ്പമുള്ള ട്രിപ്പിന്റെ ചിത്രങ്ങളായിരുന്നു ഗോപി സുന്ദര്‍ സോഷ്യല്‍ മീഡിയയില്‍ കുറേ നാളുകളായി പങ്കുവച്ചു കൊണ്ടിരുന്നത്. ഇതോടെ അമൃതയെ ഉപേക്ഷിച്ച് ഗോപി സുന്ദര്‍ മയോമി എന്ന പെണ്‍കുട്ടിയുമായി ഇഷ്ടത്തിലായി എന്ന പ്രചാരണങ്ങളും എത്തിയിരുന്നു.