പോപ്പ് താരം സെലീന ഗോമസിനോട് ജയ് ശ്രീറാം വിളിക്കാന്‍ ആവശ്യപ്പെടുന്ന ഇന്ത്യന്‍ യുവാവിന്റെ വീഡിയോ ചര്‍ച്ചയാകുന്നു. വിദേശത്ത് എത്തിയ യുവാവ് സെലീന ഗോമസിനോട് സെല്‍ഫിക്കായി അഭ്യര്‍ത്ഥിക്കുകയും പിന്നാലെ ജയ് ശ്രീറാം വിളിക്കാന്‍ ആവശ്യപ്പെടുകയുമായിരുന്നു.
ആ വാക്കിന്റെ അര്‍ഥം എന്തെന്ന് സെലീന ചോദിച്ചപ്പോള്‍, ‘ഇന്ത്യയിലെ ഏറ്റവും മികച്ച സ്ലോഗന്‍’ ആണെന്നാണ് യുവാവിന്റെ പ്രതികരണം. ഇതോടെ ‘താങ്ക്യു ഹണി’ എന്ന് പറഞ്ഞ്, ചിരിയോടെ സെലീന ഗോമസ് പിന്‍വാങ്ങുകയുമായിരുന്നു. ഈ വീഡിയോ സോഷ്യല്‍ മീഡിയയില്‍ വൈറലാവുകയാണ്.
View this post on Instagram
പല്ലവ് പലിവാള്‍ എന്ന ഫൊട്ടോഗ്രഫറുടെ സോഷ്യല്‍ മീഡിയ അക്കൗണ്ടില്‍ നിന്നാണ് വീഡിയോ പുറത്തുവന്നത്. ‘ഞങ്ങളുടെ ഒരു ഫോളോവര്‍ സെലീനയെ കണ്ടുമുട്ടി. ദീപാവലിയോട് അനുബന്ധിച്ച് ഗായിക ജയ് ശ്രീറാം എന്ന് പറഞ്ഞു’ എന്ന ക്യാപ്ഷനോടെയാണ് പോസ്റ്റ്.
വീഡിയോ വൈറലായതോടെ യുവാവിനെ രൂക്ഷമായി വിമര്‍ശിച്ചു കൊണ്ടുള്ള കമന്റുകളാണ് എത്തിക്കൊണ്ടിരിക്കുന്നത്. അതേസമയം, ഈ വര്‍ഷത്തെ കാന്‍ ഫിലിം ഫെസ്റ്റിവലില്‍ പങ്കെടുത്ത സെലീനയുടെ ലുക്കാണ് വീഡിയോയില്‍ കാണാനാവുക. അതുകൊണ്ട് തന്നെ ഇത് പഴയ വീഡിയോയാണ് എന്ന് കണ്ടെത്തിയിരിക്കുകയാണ് സോഷ്യല്‍ മീഡിയ.
