തെന്നിന്ത്യൻ സിനിമയിലെ ലേഡി സൂപ്പർ സ്റ്റാർ ആണ് നയൻ താര. അതും കടന്ന് ഇപ്പോൾ ജവാനിലൂടെ ബോളിവുഡിലും നയൻസ് തരംഗമാണ്. സ്ഥിരം നായികാ വേഷങ്ങൾക്ക് പുറമേ അഭിനയപ്രാധാന്യമുള്ള വ്യത്യസ്ഥമായ നിരവധി കഥാപാത്രങ്ങൾക്കും നയൻസ് ജീവൻ നൽകിയിട്ടുണ്ട്. അത്തരത്തിൽ താരം ശക്തമായ കഥാപാത്രത്തെ അവതരിപ്പിച്ച ചിത്രമാണ് അരം.
2017 ൽ പുറത്തിറങ്ങിയ അരം എന്ന ചിത്രത്തിൽ കളക്ടര്‍ മധി വധനി ഐഎഎസായി ചിത്രത്തില്‍ നയൻതാര വേഷമിട്ടപ്പോള്‍ ചിത്രത്തിന് മികച്ച പ്രേക്ഷക പ്രതികരണമാണ് ലഭിച്ചത്. ഗോപി നൈനാറാണ് ചിത്രം സംവിധാനം ചെയ്തത്.
ഇപ്പോഴിതാ ചിത്രം ഇറങ്ങി ആറുവർഷം തികയുന്ന വേളയിൽ ഓർമ്മ പങ്കുവച്ചിരിക്കുകയാണ് നയൻസ്. ഇൻസ്റ്റാ ഗ്രാം പോസ്റ്റിലൂടെയാണ് താരം ഓർമ്മ പുതുക്കിയത്. പ്രിയപ്പെട്ട അരത്തിന്റെ ആറ് വര്‍ഷങ്ങള്‍. അരം എന്നും സ്‍പെഷലാണെന്നും നയൻതാര തന്റെ ഇൻസ്റ്റാഗ്രാം പോസ്റ്റായി എഴുതിയിരിക്കുന്നു.
ജലദൌര്‍ലഭ്യം മൂുലം കൃഷി ചെയ്യാനാകാതെ ദുരിതം അനുഭവിക്കുന്ന ഒരു ഗ്രാമത്തെ രക്ഷിക്കാൻ ശ്രമിക്കുന്ന കളക്ടറുടെ കഥയാണ് നയൻതാരയുടെ അരം പറയുന്നത്. വിഘ്‍നേശ് രമേശ്, സുനു എന്നിവരും ചിത്രത്തില്‍ നയൻതാരയ്‍ക്കൊപ്പം പ്രധാന വേഷങ്ങളില്‍ എത്തിയിരുന്നു. സ്റ്റണ്ട് കൊറിയോഗ്രാഫി പീറ്റര്‍ ഹെയ്‍നായിരുന്നു.