ബാഹുബലിയുടെ വിജയത്തിനുശേഷം പ്രതീക്ഷിച്ച നേട്ടം സ്വന്തമാക്കാൻ കഴിയാതെയാണ് പ്രഭാസ് ചിത്രങ്ങൾ തീയേറ്ററുകൾ വിട്ടത്. ഇപ്പോഴിതാ താരത്തിന്റെ തിരിച്ചുവരവ് പ്രതീക്ഷിക്കുന്ന ചിത്രമാണ് സലാർ. ‘കെജിഎഫ്’ ഒരുക്കിയ പ്രശാന്ത് നീലിന്റെ ചിത്രം ‘സലാര്‍’ ബോക്സോഫീസുകളിൽ തകർപ്പൻ വിജയം നേടുമെന്നാണ് പ്രതീക്ഷ.
ചിത്രത്തിന്റെ പുതിയ അപ്ഡേറ്റ് പുറത്തുവന്നിരിക്കുകയാണ് ഇപ്പോൾ. പ്രഭാസ് നായകനായെത്തുന്ന സലാറിന്റെ ട്രെയിലര്‍ വൈകാതെ പുറത്തുവിടും എന്നാണ് റിപ്പോർട്ട്. ‘കെജിഎഫി’ന്റെ ലെവലില്‍ തന്നെ വമ്പൻ ചിത്രമായി പ്രശാന്ത് നീല്‍ ഒരുക്കുന്ന ‘സലാറിന്’ സെപ്‍തംബര്‍ 28നാണ് റിലീസ്.
ദുബായ് മാളുകളിലൊക്കെ പ്രഭാസ് നായകനാകുന്ന ചിത്രത്തിന്റെ പരസ്യം നിറഞ്ഞിരിക്കുകയാണെന്നാണ് വിവരം.ചിത്രത്തിൽ പ്രഭാസ് നെഗറ്റീവ് ഷെയ്‍ഡുള്ള ഒരു കഥാപാത്രമായിട്ടായിരിക്കും എത്തുക എന്നാണ് സൂചന.ശ്രുതി ഹാസൻ ചിത്രത്തില്‍ നായികയാകുന്നു.
‘കെജിഎഫ്’ എന്ന ചിത്രത്തിന്റെ ബാനറായ ഹൊംബാളെ ഫിലിംസിന്റെ വിജയ് കിരംഗന്ദുറാണ് ‘സലാര്‍’ നിര്‍മിക്കുന്നത്. മധു ഗുരുസ്വാമിയാണ് ചിത്രത്തില്‍ പ്രതിനായക വേഷത്തില്‍ എത്തുന്നത്. പൃഥ്വിരാജും പ്രധാനപ്പെട്ട ഒരു വേഷത്തില്‍ ചിത്രത്തില്‍ എത്തുന്നുണ്ട്.