ബോക്‌സ് ഓഫീസിൽ മികച്ച തുടക്കം കുറിച്ച് ധനുഷിൻ്റെ 50-ാമത്തെ ചിത്രമായ രായൻ. ധനുഷ് തന്നെ രചനയും സംവിധാനവും നിർവ്വഹിച്ച തമിഴ്-ഭാഷാ ആക്ഷൻ-ത്രില്ലർ ചിത്രം റിലീസായ ആദ്യ ദിവസം തന്നെ 12 കോടിയിലധികം രൂപ നേടിയതായാണ് റിപോർട്ടുകൾ. സാക്നിൽക്.കോം ആണ് കണക്കുകൾ പുറത്തുവിട്ടത്.
ധനുഷിൻ്റെ രണ്ടാമത്തെ സംവിധാന സംരംഭമാണ് രായൺ. ചിത്രത്തിൽ അപർണ ബാലമുരളിയാണ് നായിക. എസ് ജെ സൂര്യ, നിത്യാ മേനോൻ, അനിഖ സുരേന്ദ്രൻ,സന്ദീപ് കിഷൻ, സെൽവരാഘവൻ, വരലക്ഷ്മി ശരത്കുമാർ, കാളിദാസ് ജയറാം എന്നിവരാണ് ചിത്രത്തിലെ പ്രധാന താരങ്ങൾ.
വയലൻസ് നിറഞ്ഞ ചിത്രമായതുകൊണ്ട് തന്നെ എ സെർട്ടിഫിക്കറ്റ് ആണ് ചിത്രത്തിന് നൽകിയിരിക്കുന്നത്. കഴിഞ്ഞ വർഷം ഡിസംബറിലാണ് സിനിമയുടെ ചിത്രീകരണം പൂർത്തിയായത്. സൺ പിച്ചേഴ്‌സിന്റെ ബാനറിൽ കലാനിധി മാരൻ ആണ് ചിത്രം നിർമിക്കുന്നത്.
എ. ആർ റഹ്മാനാണ് ചിത്രത്തിന് വേണ്ടി സംഗീതമൊരുക്കിയിരിക്കുന്നത്. സൺ പിക്ചേഴ്സിന്റെ ബാനറിൽ കലാനിധി മാരനാണ് രായൻ നിർമ്മിക്കുന്നത്. ഓം പ്രകാശ് ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത് ജി. കെ പ്രസന്നയാണ്. വിവിധ ഭാഷകളിലായി തിയേറ്ററുകളിൽ എത്തിയിരിക്കുന്നത്.