'രജനികാന്ത്- വിജയ് എന്നത് ആനയും എലിയും പോലെ, ജയിലറിന്റെ വൻ വിജയം ലോകേഷിനെ അസ്വസ്ഥപ്പെടുത്തി, അതുകൊണ്ട് വിജയുടെ ‘ലിയോ’ റീഷൂട്ട് ചെയ്യുന്നു’; വീണ്ടും മീശ രാജേന്ദ്രൻ

കടുത്ത രജനികാന്ത് ആരാധകനായ മീശ രാജേന്ദ്രൻ തന്റെ പ്രസ്താവനകൾ കൊണ്ട് അടുത്തിടെ വാർത്തകളിൽ നിറഞ്ഞു നിന്നിരുന്നു.  ഇപ്പോഴിതാ അത്തരം വിവാദ വാർത്തകളുടെ തുടർച്ചയായി ലോകേഷ് കനകരാജ്- വിജയ് കൂട്ടുകെട്ടിലിറങ്ങുന്ന ‘ലിയോ’ സിനിമയ്ക്കെതിരെ വീണ്ടും രംഗത്ത് വന്നിരിക്കുകയാണ് മീശ രാജേന്ദ്രൻ.

ഒരു തമിഴ് യൂട്യൂബ് ചാനലിന് നല്കിയ അഭിമുഖത്തിലാണ് ‘ലിയോ’ സിനിമ റീഷൂട്ട് ചെയ്യുകയാണെന്ന് മീശ രാജേന്ദ്രൻ പറഞ്ഞിരിക്കുന്നത്. ജയിലറിന്റെ വൻ വിജയം ലോകേഷിനെ അസ്വസ്ഥപ്പെടുത്തിയെന്നും അതുകൊണ്ട് തന്നെ ഷെഡ്യൂൾ കഴിഞ്ഞ ഭാഗങ്ങൾ വീണ്ടും റീഷൂട്ട് ചെയ്യുകയാണെന്നും മീശ രാജേന്ദ്രൻ ആരോപിക്കുന്നു. ലോകേഷ് ഇപ്പോൾ ഉറങ്ങുന്നത് വെറും മൂന്ന് മണിക്കൂറാണെന്നും, ഗ്രാഫിക്സ് രംഗങ്ങൾ വീണ്ടും റീ വർക്ക് ചെയ്യുകയാണെന്നും. അഭിമുഖത്തിൽ മീശ രാജേന്ദ്രൻ പറഞ്ഞു.

സ്വയം പണം മുടക്കി സിനിമ  പിടിച്ച്, അതിൽ കോടികൾ ശമ്പളം വാങ്ങുന്ന ആളാണ് വിജയ് എന്നാണ് മീശ രാജേന്ദ്രൻ മുൻപ് ഒരു അഭിമുഖത്തിൽ പറഞ്ഞത്. കൂടാതെ അടുത്ത സൂപ്പർ സ്റ്റാറായി വിജയിയെ ഒരിക്കലും കാണാൻ സാധിക്കില്ലെന്നും, രജനികാന്ത്- വിജയ് എന്നത് ആനയും എലിയും പോലെ ആണെന്നുമാണ് മീശ രാജേന്ദ്രൻ പറഞ്ഞത്.

ജെയിലറിന്റെ കളക്ഷൻ റെക്കോർഡ് ലിയോ മറികടന്നാൽ മീശ വടിക്കുമെന്ന് പറഞ്ഞ രാജേന്ദ്രന്റെ പ്രസ്താവന നിലവിലുണ്ട്.  ഇത്തരം വിവാദങ്ങൾക്ക്  സിനിമകളിലൂടെ മാത്രം മറുപടി പറയാനാണ് വിജയ് ആരാധകർ ഇഷ്ടപ്പെടുന്നത് എന്നാണ് സോഷ്യൽ മീഡിയയിൽ പറയപ്പെടുന്നത്.  അതുകൊണ്ട് തന്നെ ‘ലിയോ’ സിനിമയ്ക്ക് വേണ്ടി കാത്തിരിപ്പിലാണ് വിജയ് ആരാധകർ.

മാസ്റ്ററിന് ശേഷം  ലോകേഷ്- വിജയ് കൂട്ടുകെട്ടിലെ രണ്ടാമത്തെ ചിത്രമാണ് വരാനിരിക്കുന്ന ‘ലിയോ’. സെവൻ സ്ക്രീൻ സ്റ്റുഡിയോസിന്റെ ബാനറിൽ ലളിത് കുമാറാണ് ചിത്രം നിർമ്മിക്കുന്നത്. വിജയ്നെ കൂടാതെ തൃഷ, സഞ്ജയ് ദത്ത്, ഗൌതം വാസുദേവ് മേനോൻ, അർജുൻ, മിഷ്കിൻ, മലയാളത്തിൽ നിന്നും മാത്യു തോമസ് ബാബു ആന്റണി തുടങ്ങീ വമ്പൻ താരനിരയാണ് ലിയോയിൽ അണിനിരക്കുന്നത്.  ഈ വർഷം ഒക്ടോബർ 19 നാണ് ചിത്രത്തിന്റെ വേൾഡ് വൈഡ് റിലീസ്.

Latest Stories

'സർക്കാർ ഉത്തരവാദിത്വം നിറവേറ്റി, വഖഫ് നിയമ ഭേദഗതി ബിൽ മുനമ്പം ജനതയ്ക്ക് ആശ്വാസം നൽകുന്നത്; സ്വത്ത് വഖഫ് ചെയ്യുന്നതിനും മുസ്ലീം സമുദായത്തിനും എതിരല്ല'; സിറോ മലബാർ സഭ

കുഹൈ സെയ്‌തോയുടെ Marx in the Anthropocene: Towards the Idea of Degrowth Communism' എന്ന പുസ്തകത്തിന്റെ വായന ഭാഗം - 2

IPL 2025: റാഷിദ് ഖാന്‍ ഐപിഎലിലെ പുതിയ ചെണ്ട, മോശം ഫോമിനെതിരെ തുറന്നടിച്ച് മുന്‍ ഇന്ത്യന്‍ താരം

ലോകസഭയുടെ പരിസരത്ത് എത്തിയില്ല; കോണ്‍ഗ്രസ് നല്‍കിയ വിപ്പും ലംഘിച്ചു; വഖഫ് ബില്‍ അവതരണത്തില്‍ പങ്കെടുക്കാതെ പ്രിയങ്ക ഗാന്ധി മുങ്ങി; പ്രതികരിക്കാതെ നേതൃത്വം

IPL 2025: 70 റൺ വഴങ്ങിയാൽ പോലും പ്രശ്നമില്ല എന്ന് അയാൾ പറഞ്ഞു, ആ വാക്ക് കേട്ടപ്പോൾ ഞാൻ തീയായി; മികവിന് പിന്നിലെ കാരണം പറഞ്ഞ് മുഹമ്മദ് സിറാജ്

കായലിലേക്ക് മാലിന്യം വലിച്ചെറിഞ്ഞു; ഗായകൻ എംജി ശ്രീകുമാറിന് 25,000 രൂപ പിഴ

നായികാ-നായകന്‍ താരം നന്ദു ആനന്ദ് വിവാഹിതനായി; വീഡിയോ

'ജയ് ശ്രീറാം വിളിച്ചെത്തിയ സംഘം മലയാളി വൈദികരെ മർദിച്ചു, അസഭ്യം പറഞ്ഞു'; ജബൽപൂരിൽ ക്രൈസ്തവ സംഘത്തിന് നേരെ അക്രമം

IPL 2025: തോറ്റാലും ആ കാര്യത്തിൽ ഞങ്ങൾ മികവ് കാണിച്ചു, അവരെ കുറ്റം പറയാൻ ഞാൻ സമ്മതിക്കില്ല; മത്സരശേഷം രജത് പട്ടീദാർ പറഞ്ഞത് ഇങ്ങനെ

'ഇടപാടുകൾ വാട്‌സ് ആപ്പ്, ഇൻസ്റ്റ അക്കൗണ്ടുകൾ വഴി, കാർ വാടകയ്‌ക്കെടുത്ത് ലഹരി വിതരണം'; ആലപ്പുഴ ലഹരി വേട്ടയിൽ അന്വേഷണം കടുപ്പിച്ച് എക്‌സൈസ്