2022ല്‍ പുറത്തിറങ്ങി വലിയ വിജയം നേടിയ കാർത്തി ചിത്രമാണ് സര്‍ദാര്‍. ചിത്രത്തിന്റെ രണ്ടാം ഭാഗത്തിന് വേണ്ടി പ്രതീക്ഷയോടെ കാത്തിരിക്കുകയാണ് കോളിവുഡ് സിനിമാലോകം. പിഎസ് മിത്രൻ തന്നെയാണ് സർദാർ 2വിന്റെയും സംവിധായകൻ.
ഇപ്പോഴിതാ ചിത്രത്തിൽ കാർത്തിയുടെ നായികയായി മാളവിക മോഹനൻ എത്തുവെന്ന് ഔദ്യോഗികമായി അറിയിച്ചിരിക്കുകയാണ് അണിയറപ്രവർത്തകർ. പാ രഞ്ജിത് സംവിധാനം ചെയ്യുന്ന വിക്രം ചിത്രം ‘തങ്കലാനി’ലും മാളവിക ഒരു സുപ്രധാന വേഷം ചെയ്യുന്നുണ്ട്.
അതേസമയം സർദാർ 2 വിൽ എസ്ജെ സൂര്യയാണ് കാർത്തിയുടെ വില്ലനായി എത്തുന്നതെന്നാണ് റിപ്പോർട്ടുകൾ. എസ് ലക്ഷ്മണ്‍ കുമാര്‍ നിര്‍മ്മാതാവും എ വെങ്കിടേഷ് സഹനിര്‍മ്മാതാവുമായ ചിത്രത്തിന് യുവന്‍ ശങ്കര്‍ രാജയാണ് സംഗീതം. ചജോര്‍ജ്ജ് സി വില്യംസാണ് ഛായാഗ്രാഹകന്‍. ചിത്രസംയോജനം: വിജയ് വേലുക്കുട്ടി.
നേരത്തെ സർദാർ 2 വിന്റെ ചിത്രീകരണത്തിനിടെ സ്റ്റണ്ട് മാൻ ഏഴുമല അപകടത്തിൽ മരണപ്പെട്ടത് വലിയ വാർത്തയായിരുന്നു. തുടർന്ന് ചിത്രീകരണം നിർത്തിവെച്ച സർദാർ 2 വീണ്ടും ചിത്രീകരണം ആരംഭിച്ചുവെന്നാണ് റിപ്പോർട്ടുകൾ.