എല്ലാവര്‍ക്കും നല്ലതുമാത്രമേ നയന്‍താരയെക്കുറിച്ച് പറയാനുണ്ടാകു. എവിടെ ആയാലും സൗഹൃദത്തോടെ പെരുമാറുന്ന നയന്‍സിന് ഒരു കുഴപ്പമുണ്ട്. ചിരി തുടങ്ങിയാല്‍ പിന്നെ നിര്‍ത്താന്‍ പാടാണ്. നയന്‍സിന്റെ ഈ ചിരി പ്രശ്‌നം ഒരു ഷോട്ട് വൈകിപ്പിച്ചത് മൂന്നുമണിക്കൂറാണ്. വേലൈക്കാരന്റെ സെറ്റിലെ വിശേഷങ്ങള്‍ പങ്കുവെക്കുന്ന കൂട്ടത്തില്‍ ശിവാകാര്‍ത്തികേയനാണ് ഈ കാര്യം വെളിപ്പെടുത്തിയത്.
പുതിയ ചിത്രമായ വേലൈക്കാരന്‍ സിനിമയുടെ പ്രൊമോഷനുമായി ബന്ധപ്പെട്ട അഭിമുഖത്തിലാണ് ശിവകാര്‍ത്തികേയന്‍ ഈ രസകരമായ കാര്യം പങ്കുവെച്ചത്. സൂപ്പര്‍സ്റ്റാര്‍ എന്ന പദവി നയന്‍താരയുടെ വ്യക്തിത്വത്തെ ഒട്ടും മാറ്റിയിട്ടില്ല. ഷൂട്ടിങ് സെറ്റില്‍ ആരെങ്കിലും താരത്തെ അങ്ങനെ വിളിച്ചാല്‍ അങ്ങനെ വിളിക്കരുത് എന്നാണ് പറയുക. ചെയ്യുന്ന ജോലിയോട് തികഞ്ഞ ആത്മാര്‍ത്ഥത പുലര്‍ത്തുന്ന നടിയാണ് നയന്‍സ്. അവരെ നയിച്ചു കൊണ്ടിരിക്കുന്നതും ഇന്നു കാണുന്ന ഉയരങ്ങളില്‍ എത്തിച്ചതും ഈ ആത്മാര്‍ത്ഥതയാണെന്നും ശിവകാര്‍ത്തികേയന്‍ പറഞ്ഞു.
Read more
ഫഹദ് ഫാസില്‍ ആദ്യമായി അഭിനയിക്കുന്ന തമിഴ് ചിത്രം കൂടിയാണ് വേലൈക്കാരന്‍. സ്‌നേഹ, പ്രകാശ് രാജ്, ആര്‍.ജെ. ബാലാജി എന്നിവരാണ് മറ്റ് പ്രധാന താരങ്ങള്‍. മോഹന്‍രാജ സംവിധാനം ചെയ്യുന്ന ചിത്രം 24എഎം സ്റ്റുഡിയോസിന്റെ ബാനറില്‍ ആര്‍.ഡി രാജയാണ് നിര്‍മ്മിക്കുന്നത്. 22നാണ് ചിത്രം തിയേറ്ററിലെത്തുന്നത്.
