ഹിന്ദി ടെലിവിഷന്‍, റിയാലിറ്റി ഷോ താരം നിതിന്‍ ചൗഹാന്‍ മരിച്ച നിലയില്‍. 35 വയസായിരുന്നു. മരണത്തെ കുറിച്ചുള്ള കൂടുതല്‍ വിവരങ്ങള്‍ പുറത്തുവന്നിട്ടില്ലെങ്കിലും നിതിന്‍ ആത്മഹത്യ ചെയ്തതാണെന്ന സൂചനകളാണ് ചില സുഹൃത്തുക്കള്‍ സോഷ്യല്‍ മീഡിയയില്‍ പങ്കുവെച്ച കുറിപ്പുകളിലുള്ളത്.
ആത്മഹത്യയാണെന്ന നിലയില്‍ മറ്റ് സുഹൃത്തുക്കളും പറയുന്നുണ്ടെങ്കിലും മരണത്തിലേക്ക് നയിച്ച കാരണത്തെ കുറിച്ചോ മറ്റ് വിവരങ്ങളോ പുറത്തുവന്നിട്ടില്ല. ഉത്തര്‍പ്രദേശിലെ അലിഗഡ് സ്വദേശിയായ നിതിന്‍ ചൗഹാന്‍ ദാദാഗിരി എന്ന റിയാലിറ്റി ഷോയുടെ രണ്ടാം സീസണ്‍ വിജയിച്ചതിന് പിന്നാലെയാണ് ശ്രദ്ധേയനാകുന്നത്.
പിന്നീട് എംടിവി സ്പ്ലിറ്റ്സ് വില്ലയിലും സിന്ദഗി.കോം, ക്രൈം പെട്രോള്‍, ഫ്രണ്ട്സ് തുടങ്ങിയ സീരിയലുകളിലും ഭാഗമായി. സബ് ടിവിയിലെ തേരാ യാര്‍ ഹൂം മേം എന്ന പരമ്പരയിലാണ് നിതിന്‍ അവസാനമായി അഭിനയിച്ചത്.
