ബിഗ് ബോസ് റിയാലിറ്റി ഷോയില്‍ മോഹന്‍ലാല്‍ നല്‍കിയ സുവര്‍ണ്ണാവസരം പാഴാക്കി രജിത്തിന് വേണ്ടി ജയിലില്‍ പോകാന്‍ തയാറായി ആര്യ. കഴിഞ്ഞ ആഴ്ച നടത്തിയ കോയിന്‍ ടാസ്‌കില്‍ ആര്യയ്ക്ക് ഒരു സ്വിച്ച് പോയിന്റ് ലഭിച്ചിരുന്നു. ഒന്നുകില്‍ ഭരിക്കാം. അല്ലെങ്കില്‍ ജയിലില്‍ പോകാം എന്നതാണ് സ്വിച്ച് പോയിന്റ് കൊണ്ടുള്ള ഗുണം.
പാഷണം ഷാജിയെ മാറ്റി ക്യാപ്റ്റന്‍സിയ്ക്കായി മത്സരിക്കാം എന്നാണ് ആദ്യത്തെ ഗുണം. അല്ലെങ്കില്‍ കുറവ് പോയിന്റ്‌സ് ലഭിച്ച രജിത്തിനോ ജസ്ലയ്ക്കോ പകരമായി ജയിലില്‍ പോകുകയോ ചെയ്യാം. ഏവരെയും ഞെട്ടിച്ചുകൊണ്ട് രജിത് കുമാറിന് പകരം ജയിലില്‍ പോകാമെന്നാണ് ആര്യ പറഞ്ഞത്. രജിത്തിന്റെ കൈയ്ക്ക് പരിക്കേറ്റിട്ടുണ്ട്. അദ്ദേഹം മരുന്നൊക്കെ കഴിക്കുന്നുണ്ട്. വിശ്രമത്തിന്റെ ആവശ്യമുള്ളതിനാല്‍ ജയില്‍വാസം ലേശം സമ്മര്‍ദ്ദമുള്ളതാണ്. ഭക്ഷണത്തിന്റെ കാര്യത്തിലും എല്ലാം പ്രശ്നമാണ് എന്ന് ആര്യ പറഞ്ഞു.
ആര്യയുടെ തീരുമാനം ബുദ്ധിയുടെ സൂക്ഷ്മതയാണ്, അതേ സമയം സ്നേഹത്തിന്റെയും എന്ന് രജിത് പറഞ്ഞു. ആ തീരുമാനം തന്നെയാണ് ആര്യ എടുക്കുകയെന്ന് തനിക്ക് അറിമായിരുന്നെന്നും രജിത് സൂചിപ്പിച്ചു. ബുദ്ധിയുണ്ട്, സ്നേഹവുമുണ്ട് എന്ന് മോഹന്‍ലാലും പറഞ്ഞു.