പ്രേക്ഷകരുടെ പ്രിയ പരമ്പരയാണ് “ഉപ്പും മുളകും”. സീരിയലിലെ പാറുക്കുട്ടിയായി എത്തിയ ബേബി അമേയ നിമിഷ നേരം കൊണ്ടാണ് ഏവരുടെയും പ്രിയങ്കരയായി മാറിയത്. എന്നാല്‍ ലോക്ഡൗണില്‍ നിര്‍ത്തിവച്ച സീരിയല്‍ പുനസംപ്രേഷണം ആരംഭിച്ചപ്പോള്‍ പാറുക്കുട്ടി എത്താത്തത് ആരാധകരെ നിരാശരാക്കി.
പാറുക്കുട്ടി കുഞ്ഞനുജന് ഒപ്പമാണുള്ളത് എന്ന് വ്യക്തമാക്കുന്ന ചിത്രങ്ങളാണ് പുറത്തുവന്നിരിക്കുന്നത്. രണ്ടാഴ്ച മുമ്പാണ് അമേയക്ക് അനിയന്‍ പിറന്നത്. കുഞ്ഞുവാവയെ മടിയിലിരുത്തി കളിപ്പിക്കുന്ന അമേയയുടെ ചിത്രങ്ങള്‍ വൈറലായിരുന്നു. കുഞ്ഞനിയനെ സ്നേഹിച്ചും ലാളിക്കുകയുമൊക്കെയാണ് കുഞ്ഞുതാരം.
അമേയയുടെ പേരിലുള്ള ഫാന്‍സ് ഗ്രൂപ്പുകളിലൂടെയാണ് പുതിയ ചിത്രങ്ങള്‍ വന്നിരിക്കുന്നത്. ഉറങ്ങി കിടക്കുന്ന അനിയനൊപ്പം കിടക്കുകയും അവന്റെ തലയില്‍ തലോടുകയും ചെയ്യുകയാണ് പാറു. അനിയനെ കിട്ടിയതില്‍ ഏറ്റവും സന്തോഷം പാറുക്കുട്ടിയ്ക്ക് ആണെന്നാണ് അമ്മ പറയുന്നത്. മുഴുവന്‍ സമയവും അനിയനൊപ്പം തന്നെയാണ് അവളെന്നും അമ്മയായ ഗംഗ പറയുന്നു.
