ദേഹത്ത് മുഴുവന്‍ ചെളി പുരണ്ട ചിത്രം പങ്കുവെച്ച് കര്‍ഷകര്‍ക്ക് സമര്‍പ്പിക്കുന്നു എന്ന് കുറിച്ച സല്‍മാന്‍ ഖാനെതിരെ ട്രോളുകളും വിമര്‍ശനങ്ങളും ഉയര്‍ന്നിരുന്നു. പിന്നാലെ ട്രാക്ടറുമായി കൃഷി സ്ഥലം ഉഴുതുന്ന വീഡിയോയും താരം പങ്കുവെച്ചിരുന്നു. പന്‍വാല്‍ ഫാം ഹൗസില്‍ വച്ച് ചിത്രീകരിച്ച ഈ വീഡിയോകളെല്ലാം ബിഗ് ബോസ് 14-ന്റെ പ്രൊമോ ഷൂട്ട് ആയിരുന്നു.
സെപ്റ്റംബറില്‍ പ്രദര്‍ശനം ആരംഭിക്കുന്ന ബിഗ് ബോസ് റിയാലിറ്റി ഷോക്കായി കൃഷി ചെയ്യുന്നതും വീട്ടുജോലികള്‍ ചെയ്യുന്നതുമായ മൂന്ന് പ്രൊമോ വീഡിയോകള്‍ ഇതിനകം താരം തയ്യാറാക്കി. ആദ്യ പ്രൊമോ ചാനല്‍ റിലീസ് ചെയ്തു. നിലം തുടയ്ക്കുന്ന സല്‍മാന്റെ ചിത്രങ്ങളാണ് ഇപ്പോള്‍ വൈറലാകുന്നത്. ഇത് അടുത്ത പ്രൊമോയിലുള്ള രംഗമാണ്.
Bigg Boss coming back…. #BiggBoss14 #SalmanKhan pic.twitter.com/IVtgamvP5t
— Salman Khan Universe Fan Club (@salmanuniv) August 14, 2020
സല്‍മാന്റെ ഫാന്‍ പേജുകളിലാണ് ഈ ചിത്രം വന്നിരിക്കുന്നത്. കോവിഡ് മാനദണ്ഡങ്ങള്‍ അനുസരിച്ചാണ് ബിഗ് ബോസ് 14ന്റെ ഷൂട്ടിംഗ് ആരംഭിക്കുന്നത്. “ബിഗ് ബോസ് 14 ഹോഗാ റോക്കിംഗ്” എന്ന ടാഗ് ലൈനോടെയാണ് ഇത്തവണ ഷോ എത്തുന്നത്. എന്നാല്‍ ഈ ഷോ ബോയ്‌കോട്ട് ചെയ്യണം, ആരും ഇത് കാണില്ല എന്നിങ്ങനെ വിമര്‍ശനങ്ങളാണ് പ്രൊമോയ്ക്ക് ലഭിക്കുന്നത്.
https://www.instagram.com/p/CDomuvlgt7I/?utm_source=ig_embed
ബിഗ് ബോസിന്റെ ഷൂട്ടിംഗ് തുടങ്ങിയ വിവരം സല്‍മാന്‍ ഖാന്റെ ഡിസൈനര്‍ ആഷ്‌ലി റെബെല്ലോയും സോഷ്യല്‍ മീഡിയയിലൂടെ പങ്കുവെച്ചിട്ടുണ്ട്. സെപ്റ്റംബര്‍ 27-ന് ബിഗ് ബോസ് പ്രദര്‍ശനം ആരംഭിക്കാനാണ് സാദ്ധ്യത. സെപ്റ്റംബര്‍ 25- ഓടെയാകും ആദ്യ എപ്പിസോഡ് ഷൂട്ട് ചെയ്യുക. നിയ ശര്‍മ്മ, അധ്യായന്‍ സുമന്‍, സുരഭി ജ്യോതി, ജാസ്മിന്‍ ഭാസിന്‍ തുടങ്ങിയ ടിവി താരങ്ങളും ബിഗ് ബോസിലെത്തുമെന്നാണ് റിപ്പോര്‍ട്ടുകള്‍.
Read more
https://www.instagram.com/p/CDyU9moncma/
