ബിഗ് ബോസ് ഹൗസില്‍ നിന്നും പുറത്തുപോവാന്‍ ആഗ്രഹിക്കുണ്ടെന്ന് നടിയും അവതാരകയുമായ ആര്യ കഴിഞ്ഞ ദിവസം വെളിപ്പെടുത്തിയിരുന്നു. സുഹൃത്തായ വീണ നായരുമായി സംസാരിച്ചപ്പോള്‍ ഇതിന് പിന്നിലെ കാരണത്തെ കുറിച്ച് തുറന്നുപറഞ്ഞിരിക്കുകയാണ് ആര്യ.
“”എല്ലാവരും നല്ല ബന്ധങ്ങളിലാണ് ഇപ്പോള്‍. എന്നാല്‍ ഒരു സൈഡീന്ന് ഇതൊക്കെ പൊളിഞ്ഞ് തുടങ്ങിയിട്ടുണ്ട്. ഇപ്പോള്‍ വീട്ടില്‍ പോയാല്‍ കൊള്ളാമെന്ന് തോന്നുന്നുണ്ട്”” എന്നായിരുന്നു ആര്യ വീണയോട് പറഞ്ഞത്. നേരത്തെ ബിഗ് ബോസിനോടും വീട്ടില്‍ പോകണമെന്ന് താരം അഭ്യര്‍ഥിച്ചിരുന്നു. “”ബിഗ് ബോസേ, എന്നെ വീട്ടില്‍ വിട്ടോ, ഞാന്‍ പൊക്കോളാം”” എന്നായിരുന്നു താരം പറഞ്ഞത്.
Read more
ഇപ്പോള്‍ നീ പറഞ്ഞ അഭിപ്രായത്തോട് തനിക്കും യോജിപ്പുണ്ടെന്നും ഈ രാത്രി കഴിഞ്ഞാല്‍ നീ തന്നെ ഇത് മാറ്റിപ്പറയുമെന്നുമായിരുന്നു വീണ പിന്നീട് പറഞ്ഞത്. എവിടേക്കെങ്കിലും പോവണമെന്നായിരുന്നു കഴിഞ്ഞ ദിവസം തനിക്കും തോന്നിയിരുന്നുവെന്നും വീണയും പറഞ്ഞിരുന്നു.
