സ്റ്റാര്‍ മാജിക്കില്‍ സന്തോഷ് പണ്ഡിറ്റിനെ അമപമാനിച്ച നവ്യ നായരോട് പഴയ കാലത്തെ വീഡിയോ ഇടയ്ക്ക് എടുത്തു നോക്കുന്നത് നല്ലതാണെന്ന് ബിഗ് ബോസ് സീസണ്‍ 2 താരം ദയ അശ്വതി. താരം പങ്കുവച്ച വീഡിയോയാണ് സോഷ്യല്‍ മീഡിയയില്‍ ഇപ്പോല്‍ ശ്രദ്ധ നേടുന്നത്. പണ്ട് കലോത്സവത്തില്‍ ഒന്നാം സ്ഥാനം കിട്ടിയില്ലെന്ന് പറഞ്ഞ് കരയുന്നതിനെ ഓര്‍മ്മിപ്പിച്ചാണ് ദയയുടെ വീഡിയോ.
”സ്റ്റാര്‍ മാജിക്ക് കണ്ടു…..സന്തോഷ് പണ്ഡിറ്റിനെ അദ്ദേഹത്തിന്റെ കുറ്റങ്ങളേയും കുറവുകളേയും പറഞ്ഞ് കളിയാക്കുന്നതും ഞാന്‍ കണ്ടു. അതില്‍ നവ്യ ചേച്ചിക്ക് എന്റെ ചെറിയ മറുപടി… സ്റ്റാര്‍ മാജിക് കണ്ടപ്പോള്‍ വല്ലാതെ വിഷമം തോന്നി. കൂടുതല്‍ പറയാനുള്ളത് നവ്യ ചേച്ചിയോടാണ്. പണ്ട് കലോത്സവത്തില്‍ ഒന്നാം സ്ഥാനം കിട്ടിയില്ലെന്ന് പറഞ്ഞ് കരഞ്ഞൊരു നവ്യ ചേച്ചിയുണ്ട്.”
”മറ്റുള്ളവരെ കളിയാക്കുമ്പോള്‍ ആ വീഡിയോ ഒന്ന് ഇടയ്ക്ക് എടുത്ത് കാണുക. ഇപ്പോഴും ആ വീഡിയോ യൂട്യൂബില്‍ കിടപ്പുണ്ട്, എനിക്ക് കഴിവില്ലാതെ പോയത് കൊണ്ടാണ് അന്ന് വിജയിക്കാത്തത് എന്ന് ഓര്‍ക്കുക. അദ്ദേഹം സിനിമയില്‍ വലിയ ആളൊന്നുമല്ല എന്നാല്‍ ജീവിതത്തില്‍ ഒരുപാട് വലിയ കാര്യങ്ങള്‍ ചെയ്യുന്ന ഒരാളാണ്”
”വിവാഹത്തിന് ഒരുപാട് സ്വര്‍ണ്ണമുണ്ടായിരുന്നു. അതിലെ ഒരു ഗ്രാമെടുത്ത് മറ്റുള്ളവര്‍ക്ക് ഒരുനേരത്തെ ആഹാരം മേടിച്ച് കൊടുത്തിട്ട് അദ്ദേഹത്തെ കളിയാക്കൂ. അദ്ദേഹം സിനിമയില്‍ വലിയ ആളൊന്നുമായിട്ടില്ല ജീവിതത്തില്‍ നല്ല കാര്യങ്ങള്‍ ചെയ്യുന്ന വല്യ ഒരാളാണ് എന്റെ മനസിലും ജനങ്ങളുടെ മനസിലും” എന്നാണ് ദയ അശ്വതി വീഡിയോയില്‍ പറയുന്നത്
അതേസമയം, സന്തോഷ് പണ്ഡിറ്റ് നടനും മിമിക്രി കലാകാരനുമായ ബിനു അടിമാലിയെ രൂക്ഷമായി വിമര്‍ശിക്കുന്ന വീഡിയോയാണ് ഇപ്പോള്‍ ചര്‍ച്ചയായിരിക്കുന്നത്. ഇതിനെതിരെ വലിയ വിമര്‍ശനങ്ങളാണ് ഉയരുന്നത്. എന്നാല്‍ സ്റ്റാര്‍ മാജിക്കില്‍ നടന്നത് തന്റെ കരിയര്‍ തകര്‍ക്കാനുള്ള ശ്രമം ആയിരുന്നുവെന്നാണ് സന്തോഷ് പണ്ഡിറ്റ് പറയുന്നത്.