മോഹന്‍ലാല്‍ അവതാരനാകുന്ന ജനപ്രിയ റിയാലിറ്റി ഷോയായ ബിഗ് ബോസിന്റെ അഞ്ചാം സീസണിന്റെ ലോഗോ പുറത്തു വിട്ടു. കഴിഞ്ഞ വര്‍ഷങ്ങളില്‍ നിന്നും വിപരീതമായി ഗോള്‍ഡന്‍ ലുക്കിലാണ് ലോഗോ തയ്യാറാക്കിയിരിക്കുന്നത്. ആരൊക്കെയാണ് ഇത്തവണ ഷോയില്‍ എത്തുക എന്നറിയാനാണ് പ്രേക്ഷകര്‍ കാത്തിരിക്കുന്നത്.
ബിഗ് ബോസ് പ്രഡിക്ഷന്‍ ലിസ്റ്റും സോഷ്യല്‍ മീഡിയയില്‍ വ്യപകമായി പ്രചരിക്കുന്നുണ്ട്. ടെലിവിഷന്‍, സോഷ്യല്‍ മീഡിയ എന്നിവയിലൂടെ ശ്രദ്ധേയരായ ചില താരങ്ങളുടെ പേര് വിവരങ്ങളാണ് പുറത്ത് വന്നിരിക്കുന്നത്. സീരിയല്‍ നടന്‍ ജിഷിന്‍ മോഹന്റെ പേരാണ് ലിസ്റ്റില്‍ ആദ്യമായി എത്തിയിരിക്കുന്നത്.
സീരിയലുകളില്‍ നായകനായും വില്ലനായിട്ടുമൊക്കെ തിളങ്ങി നിന്ന ജിഷിന്‍ നടി വരദയെയാണ് വിവാഹം കഴിച്ചത്. ഇരുവരും വിവാഹമോചിതരായെന്നും വേര്‍പിരിഞ്ഞെന്നുമൊക്കെ വാര്‍ത്തകള്‍ വന്നിരുന്നു. അന്ന് മുതല്‍ സോഷ്യല്‍ മീഡിയയില്‍ നിറഞ്ഞ് നില്‍ക്കുകയായിരുന്നു നടന്‍.
സംവിധായകന്‍ അഖില്‍ മാരാര്‍ ആണ് രണ്ടാമതായി പ്രഡിക്ഷന്‍ ലിസ്റ്റില്‍ ഉള്ളത്. സിനിമയെ റിവ്യൂ ചെയ്ത് നശിപ്പിക്കുന്നു എന്ന് പറഞ്ഞ് സോഷ്യല്‍ മീഡിയയില്‍ എത്തിയ സംവിധായകന്റെ പോസ്റ്റ് വൈറലായിരുന്നു. റോബിന്‍ രാധാകൃഷ്ണന്‍, യൂട്യൂബര്‍ ചെകുത്താന്‍ എന്നിവരുമായി ചില വിവാദങ്ങളൊക്കെയായി വാര്‍ത്തയില്‍ നിറഞ്ഞ് നില്‍ക്കുകയാണ് സംവിധായകന്‍.
കൃഷ്ണകുമാറിന്റെ രണ്ടാമത്തെ മകള്‍ ദിയ കൃഷ്ണയും ബിഗ് ബോസില്‍ എത്തുമെന്ന അഭ്യൂഹമുണ്ട്. പ്രഡിക്ഷന്‍ ലിസ്റ്റില്‍ ഏറ്റവും ശ്രദ്ധേയനായ വ്യക്തി സംവിധായകന്‍ ഒമര്‍ ലുലു ആണ്. മുന്‍ സീസണുകളിലും സംവിധായകന്‍ പ്രഡിക്ഷന്‍ ലിസ്റ്റില്‍ ഉള്‍പ്പെട്ടിരുന്നു. യൂട്യൂബര്‍ സായി കൃഷ്ണ, നടി പാര്‍വതി നമ്പ്യാര്‍, പാല സജി എന്നിവരാണ് പ്രഡിക്ഷന്‍ ലിസ്റ്റിലുള്ള മറ്റ് താരങ്ങള്‍.