ബിഗ് ബോസ് 2വില്‍ മത്സരാര്‍ഥിയായി എത്തിയ നടന്‍ ധര്‍മ്മജന്‍ ബോള്‍ഗാട്ടി ആദ്യ ദിനം തന്നെ പുറത്ത്. ബിഗ് ബോസിന്റെ നിയമം തെറ്റിച്ചതിനാലാണ് ധര്‍മ്മജനെ മോഹന്‍ലാല്‍ പുറത്താക്കിയിരിക്കുന്നത്. പുറത്ത് നടക്കുന്ന കാര്യങ്ങള്‍ അകത്ത് വന്നു പറഞ്ഞു എന്നതാണ് ധര്‍മ്മജന്‍ പറഞ്ഞ തെറ്റ്.
എന്നാല്‍ ധര്‍മ്മജനെ ഒരു ദിവസത്തേക്ക് മാത്രമാണ് ബിഗ് ബോസ് ഹൗസിനുള്ളിലേക്ക് വിട്ടതെന്നാണ് പുറത്തുവന്നതിന് ശേഷം മോഹന്‍ലാല്‍ പറഞ്ഞത്. സീസണ്‍ 2 തുടങ്ങി ആദ്യമായാണ് മോഹന്‍ലാല്‍ ഹൗസ് സന്ദര്‍ശിക്കുന്നത്.
മുഖം മൂടിയണിഞ്ഞ അഞ്ചു പേരാണ് ബിഗ് ബോസ് ഹൗസിലേക്കെത്തിയത്. ഇതില്‍ ഒരാള്‍ ബാത്ത്‌റൂമില്‍ ഒളിച്ചിരിക്കുകയായിരുന്നു. എലിന പടിക്കലാണ് അത് ധര്‍മ്മജനാണെന്ന് കണ്ടെത്തിയത്.