ബിഗ് ബോസ് റിയാലിറ്റി ഷോയില്‍ നിന്നും മാറ്റി നിര്‍ത്തിയിരിക്കുകയാണെങ്കിലും രജിത് കുമാറിനെ കുറിച്ചുള്ള ചര്‍ച്ചകളാണ് പ്രേക്ഷകര്‍ക്കിടയിലും ബിഗ് ബോസ് ഹൗസിനുള്ളിലും. ഇതിനിടെ അമൃതയോടും അഭിരാമിയോടും രജിത്തിനെ കുറിച്ച് സംസാരിച്ച് ഫുക്രു. രജിത്തേട്ടന്‍ പോയപ്പോള്‍ ഒരു ജീവന്‍ പോയെന്നായിരുന്നു അമൃത പറഞ്ഞത്. ഇതിന് ശേഷമായാണ് ഫുക്രു രജിത്തിനെക്കുറിച്ച് പറഞ്ഞത്.
“”അദ്ദേഹത്തിന്റെ മോശം സ്വഭാവം എന്താണെന്ന് വെച്ചാല്‍ എന്തെങ്കിലുമൊരു പ്രശ്നം വരുമ്പോള്‍ എസ്‌കേപ്പായി കളയും. പിന്നെ പറയുന്നതൊന്നും അംഗീകരിക്കില്ല”” എന്ന് ഫുക്രു പറഞ്ഞു. എന്നാല്‍ നിങ്ങള്‍ ഈ പറയുന്ന രജിത്തേട്ടനെ ഞങ്ങള്‍ വന്നപ്പോള്‍ കണ്ടിട്ടില്ലെന്ന് അമൃതയും അഭിരാമിയും വ്യക്തമാക്കി. “”ഇപ്പോ ഞാന്‍ കമ്പനിയായി നില്‍ക്കുവാണെങ്കില്‍ ഞാനെന്ത് പറഞ്ഞാലും പുള്ളി കേള്‍ക്കും. പക്ഷേ ഒരു പ്രശ്നം വന്നാല്‍ പുള്ളി അവിടെ നിന്ന് മുങ്ങും”” എന്നും ഫുക്രു പറഞ്ഞു.
ബിഗ് ബോസ് ഹൗസിനുള്ളില്‍ രഘു, സുജോ, അമൃത, അഭിരാമി എന്നിവരൊക്കെ രജിത്തിനായി കാത്തിരിക്കുകയാണ്. ഒറ്റയ്ക്കിരുന്ന് അദ്ദേഹത്തിന് ബോറടിക്കുന്നുണ്ടാവുമെന്നും ഇവര്‍ പറയുന്നുണ്ടായിരുന്നു. ടാസ്‌ക്കുകളും ഗെയിമുകളുമൊക്കെയായി പോവുമ്പോഴും രജിത്തിനെക്കുറിച്ച് ഇവര്‍ സംസാരിക്കുന്നുണ്ട്.
