ബിഗ് ബോസ് മലയാളം സീസണ്‍ 3യില്‍ നടന്‍ കൃഷ്ണകുമാറിന്റെ കുടുംബത്തില്‍ നിന്നും ഒരാള്‍ എത്തും എന്ന റിപ്പോര്‍ട്ടുകളാണ് സോഷ്യല്‍ മീഡിയയില്‍ ഇപ്പോള്‍ പ്രചരിക്കുന്നത്. സീസണ്‍ 3 പ്രഖ്യാപിച്ചതു മുതല്‍ ആരാധകര്‍ മത്സരാര്‍ത്ഥികളുടെ പേര് ഉയര്‍ത്തുന്നുണ്ട്. ഇതോടെയാണ് കൃഷ്ണകുമാറിന്റെ രണ്ടാമത്തെ മകള്‍ ദിയ കൃഷ്ണയും മൂന്നാമത്തെ മകള്‍ ഇഷാനി കൃഷ്ണയും ബിഗ് ബോസില്‍ മത്സരാര്‍ത്ഥികളാകും എന്ന വാര്‍ത്ത എത്തിയത്.
എന്നാല്‍ തങ്ങള്‍ ബിഗ് ബോസില്‍ പങ്കെടുക്കുന്നില്ല എന്ന് വ്യക്തമാക്കിയിരിക്കുകയാണ് ദിയ കൃഷ്ണ. സുഹൃത്തിന്റെ വീട്ടില്‍ പിറന്നാള്‍ ആഘോഷിക്കാന്‍ എത്തിയപ്പോള്‍ പോലും ചോദ്യം ഉണ്ടായ സാഹചര്യത്തിലാണ് ദിയയുടെ പ്രതികരണം. തങ്ങളുടെ ദൈനംപ്രതികരണദിന കാര്യങ്ങളുമായി സജീവമായ സ്ഥിതിക്ക് ഇതിനായി ചിലവഴിക്കാന്‍ സമയമില്ല എന്ന് ദിയ യൂട്യൂബ് ചാനലില്‍ പറഞ്ഞു.
കൃഷ്ണകുമാറിന്റെ മൂത്ത മകള്‍ അഹാന കൃഷ്ണ മലയാളത്തിലെ ശ്രദ്ധേയായ യുവനടികളില്‍ ഒരാളാണ്. ഇളയ മകള്‍ ഹന്‍സിക കൃഷ്ണയും സിനിമയില്‍ മുഖം കാണിച്ചു കഴിഞ്ഞു. മൂന്നാമത്തെയാള്‍ ഇഷാനി കൃഷ്ണ മമ്മൂട്ടി ചിത്രം വണ്ണില്‍ അഭിനയിക്കുന്നുണ്ട്.
ബിഗ് ബോസ് സീസണ്‍ 3 പ്രഖ്യാപിച്ചതു മുതല്‍ രശ്മി നായര്‍ മുതല്‍ ബോബി ചെമ്മണ്ണൂര്‍ അടക്കമുള്ളവരുടെ പേരുകളാണ് ഉയര്‍ന്നു കേള്‍ക്കുന്നത്. എന്നാല്‍ ബോബി ചെമ്മണ്ണൂര്‍, ഗായിക റിമി ടോമി, കരിക്ക് താരം അനു കെ. അനിയന്‍ എന്നിവര്‍ തങ്ങള്‍ മത്സാര്‍ത്ഥികളായി എത്തുന്നില്ല എന്ന് വ്യക്തമാക്കിയിരുന്നു.