ദ്വാപര യുഗത്തിലും കൂളര്‍ ഉണ്ടായിരുന്നോ? സംശയവുമായി എത്തിയിരിക്കുകയാണ് സോഷ്യല്‍ മീഡിയ. തെളിവായി കൂളര്‍ ഉപയോഗിക്കുന്ന ഭീഷ്മ പിതാമഹനും. ദൂരദര്‍ശനില്‍ പുനഃസംപ്രേഷണം ചെയ്യുന്ന “മഹാഭാരത്” സീരിയലിലാണ് മുകേഷ് ഖന്ന അവതരിപ്പിക്കുന്ന ഭീഷ്മര്‍ കഥാപാത്രത്തിന്റെ അടുത്തായി കൂളറിന്റെ ദൃശ്യങ്ങള്‍ ആരാധകര്‍ കണ്ടെത്തിയത്.
ഇതോടെ കൂളര്‍ ഉപയോഗിക്കുന്ന ഭീഷ്മ പിതാമഹന് എന്ന പേരില്‍ ദൃശ്യങ്ങള്‍ സോഷ്യല്‍ മീഡിയയില്‍ വൈറലായി. നേരത്തെ “ഗെയിം ഓഫ് ത്രോണ്‍സി”ന്റെ ഒരു എപ്പിസോഡില്‍ കോഫി കപ്പും സ്റ്റീല്‍ ഫ്‌ളാക്‌സും ആരാധകര്‍ കണ്ടുപിടിച്ചിരുന്നു.
ഭീഷ്മ പിതാമഹന് കൂളര്‍ ഉപയോഗിക്കാമെങ്കില്‍ ഗെയിം ഓഫ് ത്രോണ്‍സിലെ കപ്പൊന്നും ഒരു കാര്യമല്ല എന്നാണ് ഒരാളുടെ കമന്റ്. എന്നാല്‍ സത്യം അതല്ലെന്ന് വ്യക്തമാക്കിയിരിക്കുകയാണ് മറ്റു ചില ആരാധകര്‍. അത് കൂളറല്ല പില്ലറാണെന്ന് വെളിപ്പെടുത്തുന്ന ചിത്രങ്ങളും സോഷ്യല്‍ മീഡിയയില്‍ പങ്കുവെച്ചിട്ടുണ്ട്.
