ബിഗ് ബോസില്‍ നിന്നും എവിക്ട് ആയ സംവിധായകന്‍ ഒമര്‍ ലുലുവിന്റെ വാക്കുകളാണ് ഇപ്പോള്‍ ശ്രദ്ധ നേടുന്നത്. ഷോയിലെ മത്സരാര്‍ത്ഥികളെ കുറിച്ചാണ് സംവിധായകന്‍ ഇപ്പോള്‍ സംസാരിച്ചിരിക്കുന്നത്. ബിഗ് ബോസ് ഹൗസിലെ സ്മാര്‍ട്ട് പ്ലെയര്‍ വിഷ്ണു ആണ് എന്നാണ് ഒമര്‍ ലുലു പറയുന്നത്.
”അവിടെ ഒരു സ്മാര്‍ട്ട് പ്ലെയറായി ഞാന്‍ കാണുന്നത് വിഷ്ണുവിനെയാണ്. വിഷ്ണുവിന്റെ സ്മാര്‍ട്ട് പ്ലേ വര്‍ക്ക്ഔട്ട് ആവണമെങ്കില്‍ അഖിലിന്റെ അടുത്ത് നിന്ന് മാറി കളിക്കണം. എന്നാല്‍ മാത്രമേ വിഷ്ണുവിന് ഒറ്റയ്ക്ക് കളിയ്ക്കാന്‍ പറ്റൂ. വിഷ്ണു അടിപൊളിയാണ്. അവിടെ ഹാര്‍ഡ് വര്‍ക്ക് ചെയ്യുന്ന ഒരാള്‍ ശോഭയാണ്.”
”ശോഭയെ കണ്ടപ്പോള്‍ എനിക്ക് വിയറ്റ്‌നാം കോളനി സിനിമയിലെ ഫിലോമിന ചേച്ചിയെ ഓര്‍മ്മ വന്നു. ഈ കോളനി മുഴുവന്‍ എന്റെയാണെന്ന് പറഞ്ഞ് നടക്കുന്നത് പോലെ. വിഷ്ണു സ്മാര്‍ട്ട് വര്‍ക്ക് ചെയ്യുമ്പോള്‍ ശോഭ ഹാര്‍ഡ് വര്‍ക്ക് ചെയ്യുന്നുണ്ട്. ഒരു മത്സരാര്‍ത്ഥി എന്ന നിലയില്‍ മാരാരിനെക്കാള്‍ പൊട്ടന്‍ഷ്യല്‍ ഉള്ളതായി തോന്നിയത് വിഷ്ണുവിനാണ്.”
”പിന്നെ അവന് കുറച്ച് പൊളിറ്റിക്‌സ് ഒക്കെ അറിയുന്നത് കൊണ്ട് തന്നെ സംസാരിക്കാന്‍ അറിയാം. അവിടെ മാരാരിനെതിരെ എന്തെങ്കിലും സംസാരിക്കുന്ന വ്യക്തി ജുനൈസാണ്. റിനോഷ് പക്കാ ഗെയിമര്‍ ആണെന്ന് കരുതിയാണ് ഞാന്‍ ഇവിടുന്ന് പോയത്.”
”പക്ഷേ ഉള്ളില്‍ ചെന്നപ്പോള്‍ പുള്ളി എന്നെ ഒക്കെ പോലെ ഒരാളായി തോന്നി. റിനോഷിന്റെ ഒരു പ്രശ്നം എനിക്ക് തോന്നിയത്, അവന് പൊട്ടി കഴിഞ്ഞാല്‍ എന്താണ് പറയേണ്ടത് എന്ന് അറിയില്ല. എന്നാല്‍ ഗെയിമിലേക്ക് വന്നാല്‍ നല്ല മനുഷ്യത്തമൊക്കെ ഉള്ള വ്യക്തി ആയിട്ടാണ് റിനോഷിനെ തോന്നിയത്” എന്നാണ് ഒമര്‍ ലുലു പറയുന്നത്.