ബിഗ് ബോസ് താരം റോബിന്‍ സിനിമയിലും സജീവമാകാനുള്ള ഒരുക്കത്തിലാണ്. റോബിനെ നായകനാക്കി പുതിയ ചിത്രങ്ങള്‍ വരെ കുറച്ചു നാള്‍ മുന്‍പ് പ്രഖ്യാപിക്കപ്പെട്ടിരുന്നു. ഇപ്പോഴിതാ റോബിന്‍ സംവിധായകനാകാന്‍ പോവുകയാണെന്ന വാര്‍ത്തകളാണ് വരുന്നത്.
റോബിന്‍ തന്നെയാണ് ഈ വിവരങ്ങള്‍ മാധ്യമ പ്രവര്‍ത്തകരോട് പങ്ക് വെച്ചത്. ചെറുതാണെങ്കിലും ഏറെ പ്രത്യേകതകള്‍ ഉള്ള ഒരു ചിത്രമായിരിക്കും ഇതെന്നും, അതിന്റെ തിരക്കുകളിലാണ് താനിപ്പോള്‍ ഉള്ളതെന്നും റോബിന്‍ പറയുന്നു. ചിത്രത്തിന്റെ തിരക്കഥ പൂര്‍ത്തിയായി എന്നും റോബിന്‍ അറിയിച്ചു. സിനിമാ രംഗത്ത് ഏറെ കഷ്ടപെട്ടിട്ടുള്ള ഒരു സാധാരണക്കാരന്‍ എന്ന നിലയില്‍ സ്വന്തമായി എന്തെങ്കിലും ചെയ്യാനുള്ള ശ്രമം കൂടിയാണ് ഈ ചിത്രമെന്നും റോബിന്‍ പറയുന്നു.
അത്‌കൊണ്ട് തന്നെ വെല്ലുവിളി നിറഞ്ഞ ഏതെങ്കിലും ഒരു പ്രമേയം ചെയ്യണമെന്നുണ്ടായിരുന്നു എന്നും റോബിന്‍ വിശദീകരിച്ചു. റോബിന്‍ വിവാഹം കഴിക്കാന്‍ പോകുന്ന നടിയും അവതാരകയുമായ ആരതി പൊടി ആയിരിക്കും ഈ ചിത്രത്തിലെ നായികാ വേഷം ചെയ്യുകയെന്നും റോബിന്‍ വെളിപ്പെടുത്തി.
തിരുവനന്തപുരം മുതല്‍ ചെന്നൈ വരെയുള്ള 800 കിലോമീറ്റര്‍ ഒരു ചിത്രത്തിനായി മുഴുവനായി കവര്‍ ചെയ്യുക എന്നത് ചിലപ്പോള്‍ ഇന്ത്യന്‍ സിനിമയില്‍ തന്നെ ആദ്യമായി കാണാന്‍ സാധ്യതയുള്ള ഒരു പ്രത്യേകതയാവാമെന്നും റോബിന്‍ പറയുന്നു.