ബിഗ് ബോസ് സീസണ്‍ നാലില്‍ നിന്ന് ഏറ്റവും ശ്രദ്ധേയയായ മത്സാരാര്‍ത്ഥിയായ സുചിത്രയും ബിഗ് ബോസ് ഹൌസില്‍ നിന്നും പുറത്തായിരിക്കുകയാണ്. സുചിത്രയുള്‍പ്പടെ നാല് പേരായിരുന്നു ഈ ആഴ്ചത്തെ എലിമിനേഷനില്‍ വന്നിരുന്നത്. അഖില്‍, സൂരജ്, വിനയ് എന്നിവരായിരുന്നു മറ്റുള്ള മത്സരാര്‍ത്ഥികള്‍.
അറുപത്തിമൂന്ന് ദിവസത്തെ ബിഗ് ബോസ് യാത്രയില്‍ ആദ്യമായിട്ടായിരുന്നു സുചിത്ര എലിമിനേഷനില്‍ വന്നത്. സന്തോഷമുണ്ടെന്നും അച്ഛനെ കാണാമല്ലോയെന്നുമാണ് നടി മോഹന്‍ലാലിനോട് പറഞ്ഞത്. ഇപ്പോഴിതാ ഷോയില്‍ പങ്കെടുത്ത അനുഭവം പങ്കുവെച്ചിരിക്കുകയാണ് സുചിത്ര.
ബിഗ് ബോസ് ഹൗസിനകത്ത് താന്‍ നിരാശയിലായിരുന്നു. ആരും കാണാതെ കരഞ്ഞിട്ടുണ്ട്. ഇതുവരെയും ആരും എന്നെ നോമിനേറ്റ് ചെയ്യാതിരുന്നതാണ്. ഇല്ലായിരുന്നെങ്കില്‍ ഇതിനുമുമ്പേ വീട്ടില്‍ പോകാമായിരുന്നു. വീട് മിസ്സായി തുടങ്ങിയപ്പോള്‍ തന്നെ തന്റെ കയ്യീന്ന് പോയെന്ന് മനസിലായെന്നും സുചിത്ര വ്യക്തമാക്കി.
Read more
ഒരുപാട് സൗഹൃദങ്ങളും പിണക്കങ്ങളും ഇണക്കങ്ങളുമൊക്കെ ബിഗ് ബോസ് ഹൗസിനകത്ത് ഉണ്ടാകും. പുറത്തുനിന്ന് നോക്കുമ്പോള്‍ ബിഗ് ബോസ് വീടാണെന്ന് തോന്നും പക്ഷേ വന്നാല്‍ പെട്ടതാണ്. പേടിപ്പിക്കയല്ല. ടാസ്‌ക് കളിച്ച് മുന്നേറാന്‍ വലിയ പ്രയാസമാണ്. നടി കൂട്ടിച്ചേര്‍ത്തു.
