ആത്മഹത്യ പ്രവണത തോന്നിയപ്പോള്‍ താന്‍ വാടക കൊലയാളിയെ ഏര്‍പ്പാടാക്കിയിരുന്നു എന്ന് ഹോളിവുഡ് താരം ആഞ്ജലീന ജോളി തുറന്നു പറഞ്ഞിട്ടുണ്ട്. ഓകെ ഡയറിയോ പോഡ്കാസ്റ്റിന്റെ പരിപാടിയ്ക്കിടയിലാണ് ആഞ്ജലീന ഇക്കാര്യം വെളിപ്പെടുത്തിയത്.
ജീവിതത്തിന്റെ പല ഘട്ടങ്ങളിലും താന്‍ കടുത്ത മാനസികാരോഗ്യ പ്രശ്നങ്ങളെ അനുഭവിച്ചിട്ടുണ്ടെന്നും പലതവണ ആത്മഹത്യയെ കുറിച്ച് ചിന്തിച്ചിട്ടുണ്ടെന്നും ആഞ്ജലീന വെളിപ്പെടുത്തി. എന്നാല്‍ ആ തീരുമാനത്തില്‍ നിന്നും തന്റെ മനസു മാറ്റിയത് അതേ വാടക കൊലയാളി തന്നെയായിരുന്നു എന്നാണ് ആഞ്ജലീന പറയുന്നത്.
”അയാളൊരു മാന്യനായിരുന്നു. ഞാന്‍ എന്റെ ആവശ്യം ഉന്നയിച്ചപ്പോള്‍ ഒന്നു കൂടി നന്നായി ആലോചിച്ചിട്ട് രണ്ടു മാസത്തിനുള്ളില്‍ തിരിച്ചു വിളിക്കൂ എന്ന് അയാള്‍ പറഞ്ഞു. ആ ആലോചനയില്‍ എന്റെ ജീവിതത്തില്‍ എന്തോ മാറ്റം വന്നു, എനിക്ക് പരിഹരിക്കാവുന്നതേയുള്ളൂ എന്റെ പ്രശ്‌നങ്ങളെന്ന് ഞാന്‍ തിരിച്ചറിഞ്ഞു” എന്നാണ് താരം പറയുന്നത്.
1990കളുടെ അവസാനത്തിലും 2000കളുടെ തുടക്കത്തിലും അസാധാരണമായ അഭിനയമികവും ആകര്‍ഷകമായ സ്‌ക്രീന്‍ പ്രസന്‍സും കൊണ്ടും ഹോളിവുഡിലെ രാഞ്ജിയായി തിളങ്ങിയ താരമാണ് ആഞ്ജലീന. ലാറ ക്രോഫ്റ്റ്: ടോംമ്പ് റൈഡര്‍, വാണ്ടഡ്, ചലഞ്ചിംഗ്, മാല്‍ഫിഷ്യന്റ്, ഗേള്‍, ഇന്ററപ്റ്റ്ഡ് എന്നിവയാണ് താരത്തിന്റെ ഏറെ ശ്രദ്ധ നേടിയ ചിത്രങ്ങള്‍.