ഫാന്റസിയും മിസ്റ്ററിയും ചേര്‍ന്ന ‘മല്ലന്‍ മുക്ക്’ എന്ന വെബ് സീരീസിന്റെ ട്രെയ്‌ലര്‍ ശ്രദ്ധ നേടുന്നു. കിടിലം എന്റര്‍ടൈന്‍മെന്റ്‌സിന്റെ ബാനറില്‍ രാജേഷ് അന്തിക്കാട് നിര്‍മ്മിച്ച മല്ലന്‍ മൂക്കിന്റെ തിരക്കഥയും സംവിധാനവും നിര്‍വഹിച്ചിരിക്കുന്നത് അക്കി-അക്കാര എന്ന ഇരട്ട സംവിധായകരാണ്.
k2-141_n എന്ന ഹെല്‍ പ്ലാനറ്റ്, അതില്‍ നിന്നും വരുന്ന നരകതുല്യമായ ഉല്‍ക്കയെ കേന്ദ്രീകരിച്ചാണ് മല്ലന്‍മുക്ക് എന്ന വെബ് സീരീസിന്റെ കഥ നീങ്ങുന്നത്. ഭയാനകവും അത്യന്തം ജിജ്ഞാസപരവുമായ ഈ ചിത്രത്തിന്റെ മേക്കിംഗ് പ്രേക്ഷകര്‍ക്ക് ഒരു പുതിയ അനുഭവം ആയിരിക്കും.
‘രക്തത്തിന്റെ ചുവപ്പ് കലര്‍ന്ന ചെകുത്താന്റെ കണ്ണ് തേടിയാണ് ഒരു കൂട്ടം ആളുകള്‍ നരനായാട്ട് നടത്തുന്നത്’ എന്ന വാക്കുകളോടെ ആരംഭിക്കുന്ന ട്രെയ്‌ലറില്‍ നിന്നും തന്നെ ചിത്രം മികച്ച ത്രില്ലര്‍ ആയിരിക്കുമെന്ന് ഊഹിക്കാം.
പ്രിന്‍സ് ഫ്രാന്‍സിസ് ചിത്രത്തിന് ഛായാഗ്രഹണം നിര്‍വ്വഹിക്കുന്നു. എമില്‍ കാര്‍ട്ടണ്‍ സംഗീതം ഒരുക്കുന്നു. പി.ആര്‍.ഒ-എം.കെ ഷെജിന്‍ ആലപ്പുഴ.