പ്രശസ്ത ഗായിക ലതാ മങ്കേഷ്‌ക്കറെ ആശുപത്രിയില്‍ പ്രവേശിപ്പിച്ചു. ശ്വാസതടസത്തെ തുടര്‍ന്ന് ഇന്ന് പുലര്‍ച്ചെ ഒന്നരയോടെയാണ് മുംബൈ ബ്രീച്ച് കാന്‍ഡി ആശുപത്രിയില്‍ പ്രവേശിപ്പിച്ചത്.
ബ്രീച്ച് കാന്‍ഡി ആശുപത്രിയില്‍ ഫിസിഷ്യനും സീനിയര്‍ മെഡിക്കല്‍ അഡ്‌വൈസറുമായ ഡോ. ഫാറൂഖ് ഇ ഉദ്വലിയുടെ ചികിത്സയിലാണ് ലത മങ്കേഷ്‌ക്കറെന്ന് ആശുപത്രിയില്‍ നിന്നുള്ള റിപ്പോര്‍ട്ടെന്ന് ദ ഹിന്ദു റിപ്പോര്‍ട്ട് ചെയ്തു.
ലതയുടെ അവസ്ഥ ഇപ്പോള്‍ മെച്ചപ്പെട്ടിട്ടുണ്ടെന്നാണ് ആശുപത്രി വൃത്തങ്ങള്‍ അറിയിക്കുന്നത്. സെപ്റ്റംബര്‍ 28-ന് ആയിരുന്നു ലതയുടെ 90-ാം പിറന്നാള്‍.
