ടെലിവിഷൻ പ്രേക്ഷകരുടെ ഇഷ്ട റിയാലിറ്റി ഷോയാണ് ടോപ് സിംഗർ. കുരുന്നുകളുടെ സംഗീത വൈദഗ്ധ്യം തെളിയിക്കാൻ ഉള്ള അവസരമാണ് ഈ ഷോയിലൂടെ ലഭിക്കുന്നത്. കഴിഞ്ഞ സീസണിലെ വിജയി സീതാലക്ഷ്മിയും ആയിരുന്നു. എന്നാൽ ഷോ അവസാനിച്ച ഉടൻ തന്നെ ഷോയിലെ ഒരു ജഡ്ജും, ഗായകനുമായ എംജി ശ്രീകുമാറിനെതിരെ ചില യൂ ട്യൂബ് ചാനൽ വഴി അപവാദപ്രചാരണം നടക്കുകയുണ്ടായി. ഇതിനെതിരെ എംജിയുടെ പ്രതികരണം ആണ് ഇപ്പോൾ വൈറൽ ആകുന്നത്.
നാൽപ്പത് വർഷത്തോളമായി പ്രേക്ഷകരുടെ പിന്തുണ കൊണ്ട് ജീവിച്ചു പോകുന്ന ഒരു എളിയ കലാകാരൻ ആണ് ഞാൻ. ഒരുപാട് റിയാലിറ്റി ഷോകളിൽ ജഡ്ജായി ഞാൻ ഇരുന്നിട്ടുണ്ട്. ഇന്നുവരെയും ഞാൻ അതിൽ പങ്കെടുക്കുന്ന ഒരാളോടും ഒരു പക്ഷാപാതവും കാണിച്ചിട്ടില്ല.
ഷോയിൽ പങ്കെടുത്ത 24 പേരെയും താൻ ഒരേ പോലെയാണ് സ്നേഹിച്ചത് എന്നും, ആരോടും വേർതിരിവ് കാണിച്ചില്ലെന്നും എംജി പറയുന്നു. ഒരാളുടെ കണ്ണുനീർ പോലും ആ ഫ്ലോറിൽ വീഴാൻ അനുവദിച്ചിട്ടില്ലെന്നും ഇനിയും അത് അങ്ങനെ ആകും എന്നും താരം വ്യക്തമാക്കി.
തനിക്കെതിരെ അപവാദ പ്രചാരണം നടത്തിയ യുവാക്കൾ മാപ്പ് പറയുന്ന വീഡിയോയും എം.ജി തന്റെ പ്രേക്ഷകർക്കായി പങ്ക് വെച്ചു .