ഫെയ്സ്ബുക്ക് സ്ഥാപകന്‍ മാര്‍ക്ക സുക്കര്‍ബര്‍ഗ്ഗും ഭാര്യ പ്രിസില ചാനും ചേര്‍ന്ന് ഹവായ് ദ്വീപസമൂഹങ്ങളിലെ കൗവായ് ദ്വീപില്‍ 600 ഏക്കര്‍ സ്വന്തമാക്കിയത് 53 മില്യണ്‍ ഡോളറിന്. തദ്ദേശീയ പ്രകൃതി പരിപാലന സംഘടനയായ വൈയോളി കോര്‍പ്പറേഷനില്‍നിന്നാണ് ഭൂമി വാങ്ങിയത്.
2019-ലെ വാള്‍ സ്ട്രീറ്റ് ജേര്‍ണല്‍ പ്രകാരം 117 ബില്യണ്‍ ഡോളര്‍ ആസ്ഥിയുള്ള മാര്‍ക്ക്- പ്രിസില ദമ്പതികള്‍ ഹവായിര്‍ 2014 ല്‍ 100 മില്യണ്‍ ഡോളറിന് 700 ഏക്കര്‍ ഭൂമി ഹവായില്‍ത്തന്നെ വാങ്ങിയിരുന്നു. അതുവരെ 19-ആം നൂറ്റാണ്ടിന്‍റെ മദ്ധ്യംമുതല്‍ ഹവായ് സ്വദേശികളായ ചിലര്‍ക്ക് പിതൃസ്വത്തായി കട്ടിയിരുന്ന കുലീന ലാന്‍റ്സ് എന്നറിയപ്പെടുന്ന ഈ പ്രദേശത്തിനുമേല്‍ ചില അവകാശത്തര്‍ക്കങ്ങള്‍ നിലവിലിരുന്നു.
Read more
പ്രകൃതി-വന്യജീവിസംരക്ഷണം, കൃഷി ഇവയിലെല്ലാം അതീവ തത്പരരായ സുക്കര്‍ബര്‍ഗ്ഗ് ദമ്പതികള്‍ വൈയോളി കോര്‍പ്പറേഷനുപുറമേ സമാനപ്രവര്‍ത്തനങ്ങളില്‍ ഏര്‍പ്പെട്ട മറ്റു പല സംഘടനകളുമായും ഏതാനും കൊല്ലങ്ങളായി സഹകരിച്ചുപോരികയാണ്. ലോക ടൂറിസ്റ്റ് ഭൂപടത്തില്‍ ഏണ്ണപ്പെട്ട പ്രദേശങ്ങളിലൊന്നാണ് പസഫിക്ക് മഹാസമുദ്രത്തിനു നടുവില്‍ സ്ഥിതിചെയ്യുന്ന ഹവായ് ദ്വീപസമൂഹം.
