കോഴിക്കോട് മാത്തറയിലെ സ്‌കൂള്‍ വിദ്യാര്‍ത്ഥി വൈദ്യുതി പോസ്റ്റ് ദേഹത്ത് വീണ് മരിച്ചു. അഞ്ചാംക്ലാസ് വിദ്യാര്‍ത്ഥിയായ ആദിഷ് ആണ് മരിച്ചത്.
സ്‌കൂളില്‍ റിപ്പബ്ലിക് ദിനാഘോഷം തുടങ്ങുന്നതിന് മമ്പായിരുന്നു അപകടം. സ്‌കൂള്‍ ബസ് പിറകോട്ട് എടുക്കുന്നതിനിടയില്‍ പോസ്റ്റില്‍ ഇടിച്ചു. സമീപത്ത് നില്‍ക്കുകയായിരുന്ന ആദിഷിന്റെ ദേഹത്തേയ്ക്ക് പോസ്റ്റ് വീഴുകയായിരുന്നു. ഉടനെ ആശുപത്രിയിലെത്തിച്ചെങ്കിലും ഉച്ചയോടെ മരിച്ചു. ഉപയോഗശൂന്യമായ പോസ്റ്റ് മാറ്റാത്ത സ്‌കൂളിന്റെ അനാസ്ഥക്കെതിരെ നാട്ടുകാര്‍ പ്രതിഷേധിച്ചു.