കെ റെയില്‍ പാതയിലുള്ള വീടും സ്ഥലവും വില്‍പനയ്ക്ക് വച്ച് കോട്ടയം ചങ്ങനാശ്ശേരി മാടപ്പള്ളി സ്വദേശിയായ മനോജ് വര്‍ക്കി. വീടിനും സ്ഥലത്തിനുമായി 60 ലക്ഷം രൂപയാണ് ചെലവാക്കിയത്. എന്നാല്‍ 50 ലക്ഷത്തിന് വില്‍ക്കാന്‍ തയ്യാറാണെന്നാണ് പ്രഖ്യാപനം. കെ റെയിലിനെ അനുകൂലിക്കുന്ന മഹത് വ്യക്തികള്‍ക്ക് വാങ്ങിയ ശേഷം മൂന്നിരട്ടി ലാഭത്തിന് അവകാശികളാകാം എന്നാണ് മനോജ് വര്‍ക്കി ഫെയ്ബുക്കിലൂടെ അറിയിച്ചിരിക്കുന്നത്.
സില്‍വര്‍ ലൈന്‍ പദ്ധതി വരുന്നതോടെ കുടിയൊഴിുൃപ്പിക്കപ്പെടുന്നവര്‍ക്ക് ഇരട്ടി നഷ്ടപരിഹാരം ലഭിക്കുമെന്നും, മികച്ച ജീവിത സാഹചര്യങ്ങള്‍ ഉണ്ടാകുമെന്നും ഉള്ള പ്രചാരണങ്ങള്‍ക്കിടെയാണ് ഭൂമി നഷ്ടപ്പെടുന്ന ആളുടെ പ്രതികരണം.
‘സര്‍ക്കാര്‍ മൂന്നിരട്ടി വില പ്രഖ്യാപിച്ചിരിക്കുന്ന സ്ഥലമാണ്. അത്രയും പണം സ്വീകരിക്കാനുള്ള കപ്പാസിറ്റി ഇല്ലാത്തത് കൊണ്ട് ഞാന്‍ എന്റെ സ്ഥലം 50 ലക്ഷം രൂപക്ക് വില്‍ക്കുവാന്‍ ആഗ്രഹിക്കുന്നു.’ അദ്ദേഹം കുറിച്ചു.
‘കെ റെയിലിനെ അനുകൂലിക്കുന്ന ഏതെങ്കിലും മഹത്വക്തികള്‍ക്ക് ഈ വീട് വാങ്ങാന്‍ ആഗ്രഹമുണ്ടെങ്കില്‍ ഇത് വാങ്ങിയതിന് ശേഷം 3 ഇരട്ടി ലാഭത്തിന് അവകാശികളാകാം. വേണ്ടവര്‍ ബന്ധപ്പെടുക വേണ്ടാത്തവര്‍ ആവശ്യമുള്ളവരിലേക്ക് ഷെയര്‍ ചെയ്യുക.’, മനോജ് വര്‍ക്കി ആവശ്യപ്പെട്ടു.