കെ. മുരളീധരന്‍ എംപിയുടെ പ്രസ്താവനയില്‍ കോണ്‍ഗ്രസിനെ പരിഹസിച്ച് എ.എ.റഹീം എംപി. കോണ്‍ഗ്രസില്‍ എഴുത്തും വായനയുമുള്ള ആളുകളെ അടുപ്പിക്കാറില്ല എന്ന സത്യമാണ് അദ്ദേഹം സാക്ഷ്യപ്പെടുത്തിയതെന്നും, എഴുത്തും വായനയും കാഴ്ചപ്പാടുമില്ലാത്തവര്‍ നേതൃത്വം നല്‍കുന്ന ഒരു പാര്‍ട്ടിക്ക് എങ്ങനെ ആധുനിക കാലത്തെ കേരളത്തെ മുന്നോട്ടു നയിക്കാന്‍ കഴിയുമെന്നും അദേഹം ഫേസ്ബുക്കില്‍ കുറിച്ചു. എഴുത്തും വായനയുമുള്ളവരോടുള്ള പേടി കോണ്‍ഗ്രസ് പാര്‍ട്ടിയുടെ സ്വഭാവമാണെന്ന കെ. മുരളീധരന്റെ പ്രസംഗത്തിന് മറുപടി പറയുകയായിരുന്നു അദേഹം.
എഎ റഹിമിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം:
‘എഴുത്തും വായനയും ഉള്ളവരെ
നമ്മുടെ പ്രസ്ഥാനത്തിന് പേടിയാണ്
അങ്ങനെയുള്ളവര്‍ വന്നാല്‍ എന്തെങ്കിലും ആകും എന്ന പേടിയാണ്.’ ശ്രീ കെ മുരളീധരന്റെ പ്രതികരണമാണിത്.
കോണ്‍ഗ്രസ്സില്‍ എഴുത്തും വായനയുമുള്ള
ആളുകളെ അടുപ്പിക്കാറില്ല എന്ന സത്യമാണ് അദ്ദേഹം സാക്ഷ്യപ്പെടുത്തിയത്.
അപ്പോള്‍;
വിവരമുള്ള മലയാളികള്‍ക്ക് പിന്നെയെങ്ങനെ കോണ്‍ഗ്രസ്സിനെ പിന്തുണയ്ക്കാന്‍ കഴിയും ? എഴുത്തും വായനയും കാഴ്ചപ്പാടുമില്ലാത്തവര്‍ നേതൃത്വം നല്‍കുന്ന ഒരു പാര്‍ട്ടിയ്ക്ക് എങ്ങനെ ആധുനിക കാലത്തെ കേരളത്തെ മുന്നോട്ട് നയിക്കാന്‍ കഴിയും?
ചുരുക്കത്തില്‍, പുതിയ കാലത്തിനും,ഇന്നത്തെ കേരളത്തിനും യോജിക്കാത്ത പാര്‍ട്ടിയാണ് കോണ്‍ഗ്രസ്സ് എന്നാണ്
ശ്രീ കെ മുരളീധരന്‍ പറഞ്ഞു വയ്ക്കുന്നത്.