തിരുവനന്തപുരത്ത് ബൈക്ക് കടയില്‍ തീപിടുത്തം. മുട്ടത്തറയില്‍ ബൈക്കുകള്‍ വാടകയ്ക്ക് നല്‍കുന്ന സ്ഥാപനത്തിലാണ് തീപിടുത്തമുണ്ടായത്. 32 ബൈക്കുകള്‍ കത്തിനശിച്ചു. ഉദ്ഘാടനം ചെയ്യാനിരുന്ന റോയല്‍ ബ്രദേഴ്സ് ബൈക്ക് റെന്റല്‍ എന്ന സ്ഥാപനത്തില്‍ ഇന്ന് പുലര്‍ച്ചെ രണ്ട് മണിയോടെയാണ് അപകടം നടന്നത്.
അപകട വിവരം നാട്ടുകാരാണ് പൊലീസിനെ അറിയിച്ചത്. ചാക്ക,ചെങ്കല്‍ ചൂള, വിഴിഞ്ഞം എന്നിവിടങ്ങളില്‍ നിന്ന് ആറ് അഗ്നിശമനസേന യൂണിറ്റുകള്‍ എത്തിയാണ് തീ അണച്ചത്. ലക്ഷക്കണക്കിന് രൂപയുടെ നാശനഷ്ടമുണ്ടായതായാണ് വിലയിരുത്തല്‍.
തീപിടുത്തത്തിന് കാരണം എന്താണെന്ന് അന്വേഷിച്ച് വരികയാണ്. ഷോര്‍ട്ട് സര്‍ക്യൂട്ടാണ് എന്നാണ് പ്രാഥമിക നിഗമനം.