നവകേരള സദസിലെ പൊലീസിന്റെ മികച്ച രീതിയിലുള്ള സുരക്ഷാപ്രവ്ര‍ത്തനത്തിന് അംഗീകാരം നൽകാൻ തീരുമാനം. ക്രമസമാധാന ചുമതലയുള്ള എ.ഡി.ജി.പി. എം.ആര്‍. അജിത് കുമാറാണ് പ്രത്യേക സമ്മാനം പ്രഖ്യാപിച്ചത്.സിവില്‍ പോലീസ് ഓഫീസര്‍ മുതല്‍ ഐ.ജി. വരെയുള്ളവര്‍ക്കാണ് പ്രത്യേക അംഗീകാരം. ഇവരുടെ പ്രകടനം വിലയിരുത്തി ഗുഡ് സര്‍വ്വീസ് എന്‍ട്രി നല്‍കാനും നീക്കമുണ്ട്.
കാസര്‍കോഡ് മുതല്‍ തിരുവനന്തപുരംവരെയുള്ള നവകേരള സദസിന്റെ യാത്ര സംഘര്‍ഷഭരിതമായിരുന്നു. പലയിടത്തും പോലീസിനെ മറികടന്ന് ഡി.വൈ.എഫ്.ഐയാണ് പ്രതിഷേധിച്ചവരെ കൈകാര്യം ചെയ്തത് എന്നതും വാസ്തവം. മാത്രവുമല്ല ചട്ടങ്ങൾ മറികടന്ന് പ്രതിഷേധക്കാരെ തല്ലിയൊതുക്കാൻ ഗൺമാനും, സുരക്ഷാ ഉദ്യോഗസ്ഥരും സ്വാകരിച്ച ക്രൂരനടപടികളും ഏരെ വിമർശനങ്ങൾക്ക് വിഴിവച്ചിരുന്നു. ഈ സാഹചര്യത്തിലാണ് പൊലീസിന്റെ സേവനങ്ങൾക്ക് അംഗീകാരം നൽകുന്നത്.
Read more
സാധാരണഗതിയില്‍ മികച്ച കുറ്റാന്വേഷണം, അസാധാരണ സാഹചര്യങ്ങള്‍ കാര്യക്ഷമമായി നേരിടൽ തുടങ്ങിയവയ്ക്കാണ് പോലീസിന് ഗുഡ് സര്‍വ്വീസ് എന്‍ട്രി പോലുള്ള ആദരം നല്‍കാറുള്ളത്. ശബരിമലയിലെ തിരക്ക് നിയന്ത്രിച്ച പോലീസുകാര്‍ക്കും സീസണ്‍ കഴിയുമ്പോള്‍ ഈ ആദരം നല്‍കാറുണ്ട്. ഈ ഗണത്തിലേക്കാണ് നവകേരള സദസ്സിനെയും ഉള്‍പ്പെടുത്തിയിരിക്കുന്നത്.
