നികുതി വെട്ടിച്ചെന്നാരോപിച്ച് ഐഎംഎയ്ക്ക് കാരണം കാണിക്കൽ നോട്ടീസ്. കേന്ദ്ര ജിഎസ്ടി ഇന്റലിജന്റ്സിന്റേതാണ് നടപടി. ഐഎംഎയുടെ കേരള ഘടകത്തിനാണ് കേന്ദ്ര ജിഎസ്ടി ഇന്റലിജന്റ്സ് നോട്ടീസ് അയച്ചിരിക്കുന്നത്. 2017 മുതൽ 2023 വരെയുള്ള വരുമാനം മറച്ചുവച്ചുവെന്നാണ് ആരോപണം.
ചാരിറ്റബിൾ ഓർഗനൈസേഷൻ എന്ന പേര് നിലനിർത്താൻ ഷെൽ കമ്പനികൾ രൂപീകരിച്ചുവെന്നും കമ്പനികളുടെ മറവിൽ വിവിധ പരിപാടികൾ നടത്തി വരുമാനം നേടിയതായും നോട്ടീസില്‍ പറയുന്നു. 2017 മുതൽ 2023 വരെ 251.79 കോടിയുടെ വരുമാനം കണക്കിൽ നിന്ന് മറച്ചുവച്ചുവെന്നും നോട്ടീസില്‍ പറയുന്നു.
അംഗങ്ങളായ ഡോക്ടർമാർക്കും കുടുംബങ്ങൾക്കുമുള്ള സേവനങ്ങൾ മാത്രമല്ല ഐഎംഎ ചെയ്യുന്നത്. ഇൻഷുറൻസ്, പാർപ്പിട സാമൂച്ചയ നിർമാണം, ബയോമെഡിക്കൽ മാലിന്യ സംസ്കരണം തുടങ്ങിയ പരിപാപാടികളിലൂടെ ഐഎംഎ പണം സമ്പാദിക്കുന്നുവെന്നും ജിഎസ്ടി ഇന്‍റലിജൻസ് നോട്ടീസില്‍ പറയുന്നു.
