പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച സംഭവത്തില്‍ അധ്യാപകനും നടനുമായ നാസര്‍ കറുത്തേനി എന്നറിയപ്പെടുന്ന മുക്കണ്ണ് അബ്ദുല്‍ നാസര്‍ അറസ്റ്റില്‍. വണ്ടൂര്‍ പൊലീസില്‍ ലഭിച്ച പരാതിയിലാണ് അറസ്റ്റ്. പത്താം ക്ലാസ് വിദ്യാര്‍ത്ഥിനിയെ ലൈംഗികമായി പീഡിപ്പിച്ചതായാണ് പരാതി.
വിദ്യാര്‍ത്ഥിനി പീഡന വിവരം മാതാപിതാക്കളെ അറിയിക്കുകയായിരുന്നു. ഇതേ തുടര്‍ന്ന് പെണ്‍കുട്ടിയുടെ മാതാപിതാക്കള്‍ നല്‍കിയ പരാതിയില്‍ പൊലീസ് പ്രതിയെ അറസ്റ്റ് ചെയ്തു. പോക്‌സോ നിയമപ്രകാരമാണ് പ്രതിയെ അറസ്റ്റുചെയ്തത്. നിരവധി സീരിയലുകളിലും സിനിമകളിലും പ്രതി അഭിനയിച്ചിട്ടുണ്ട്.
സുഡാനി ഫ്രം നൈജീരിയ, ആടുജീവിതം, കെഎല്‍10, ഹലാല്‍ ലൗ സ്റ്റോറി തുടങ്ങിയ സിനിമകളില്‍ പ്രതി അഭിനയിച്ചിട്ടുണ്ട്. വൈദ്യ പരിശോധനയ്ക്ക് ശേഷം പ്രതിയെ കോടതിയില്‍ ഹാജരാക്കും.