ബിനാമി സ്വത്ത് സമ്പാദിച്ചുവെന്ന പരാതിയുടെ അടിസ്ഥാനത്തില്‍ ജേക്കബ് തോമസിനെതിരെ അന്വേഷണത്തിന് സംസ്ഥാന സര്‍ക്കാര്‍ ഉത്തരവ്. ക്രൈം ബ്രാഞ്ച് അന്വേഷണത്തിനാണ് സര്‍ക്കാര്‍ ഉത്തരവിട്ടത്. കണ്ണൂര്‍ സ്വദേശിയായ സത്യന്‍ നരവൂര്‍ നല്‍കിയ പരാതിയുടെ പുറത്താണ് അന്വേഷണം.
സംസ്ഥാന ആഭ്യന്തര വകുപ്പാണ് അന്വേഷണത്തിന് ഉത്തരവിട്ടിരിക്കുന്നത്. സത്യന്‍ നരവൂറിന്റെ പരാതിയില്‍ പ്രാഥമിക അന്വേഷണം നേരത്തെ തന്നെ ക്രൈം ബ്രാഞ്ച് നടത്തിയിരുന്നു. ഇതേ തുടര്‍ന്ന് കേസെടുത്ത് അന്വേഷിക്കണമെന്ന് സംസ്ഥാന ആഭ്യന്തര വകുപ്പിനോട് ശിപാര്‍ശ ചെയ്തിരുന്നു. ഇതിന്റെ അടിസ്ഥാനത്തില്‍ ക്രൈം ബ്രാഞ്ച് തിരുവനന്തപുരം എസ്.പിക്കാണ് അന്വേഷണ ചുമതല. അതേസമയം അനുവാദമില്ലാതെ പുസ്തമെഴുതിയതിന് മറ്റൊരു അന്വേഷണം ക്രൈംബ്രാഞ്ച് ജേക്കബ് തോമസിനെതിരെ നടത്തുന്നുണ്ട്